ދިރާގު ދިވެހިލީގު ހުޅުވާ މެޗު މާދަމާ ހަވީރު ކުޅޭ ގޮތަށް އެފްއޭއެމްއިން ހަމަޖައްސައިފި އެވެ.
އެފްއޭއެމްގެ އޮފިޝަލަކު ވިދާޅުވީ ދިވެހި ލީގު ހުޅުވާ މެޗު ކުރިން ރޭގަނޑު ކުޅެން ހަމަޖައްސާފައި އޮތްނަމަވެސް އެ މެޗު ހަވީރަށް ބަދަލުުކުރީ އަންހެން ފުޓްބޯޅަ މުބާރާތުގެ ސެމީ ފައިނަލްގެ ފުރަތަމަ މެޗް މާދަމާ ރޭ ގައުމީ ފުޓްބޯޅަ ދަނޑުގައި ކުޅެން ހަމަޖެހިފައި އޮތުމުން ކަމަށެވެ.
ދިވެހި ލީގުގެ ފުރަތަމަ މެޗުގައި މާދަމާ ހަވީރު ބައްދަލުކުރާނީ މިދިޔަ ސީޒަންގައި ހުރިހާ ތަށްޓެއް ކާމިޔާބުކުރި ނިއުރޭޑިއަންޓް ސްޕޯޓްސް ކުލަބާއި މިދިޔަ ސީޒަނުގެ 4 ވަނަ ހޯދި އޯލް ޔޫތު ލިންކޭޖް (އޭވައިއެލް) އެވެ.
ދިވެހި ލީގުގައި މިއަހަރު 8 ޓީމް ވާދަކުރެ އެވެ. އެޓީމް ތަކަކީ، ނނިއުރޭޑިއަންޓާއި މާޒިޔާ އާއި ވެލެންސިއާ އާއި ވިކްޓަރީ އާއި ބީޖީ ސްޕޯޓްސް އާއި އީގަލްސް އާއި އޭވައިއެލްގެ ފުރަތަމަ ޑިވިޝަންގައި އަލަށް ވާދަކުރާ މަހިބަދޫ ސްޕޯޓްސް ކްލަބެވެ.