އެޕްރީލް މަހުގެ 2 ވަނަ ދުވަހު ފެށުމަށް ހަމަޖެހިފައިވާ ހދ އަތޮޅު ޤުރުއާން މުބާރާތައް ކުރިނބީ ސްކޫލްގެ ދަރިވަރުން ވަރަަށް ބޮޑަށް ތައްޔާރުވެފައިވާކަމަށް ކުރިނބީ ސްކޫލުން ހާމަކޮށްފިއެވެ.
ކުރިނބީލައިވްއިން ދެންނެވި ސުވާލަކަށް ޖަވާބުދެއްވަމުން ކުރިނބީ ސްކޫލްގެ ޤުރުއާން މުދައްރިސް މުޙައްމަދު ރަފީޤް ވިދާޅުވީ “މުބާރާތައް ދަރިވަރުންވަނީ ވަރަށްބޮޑަށް ތައްޔާރުވެފަ، ކުރިނބީ ސްކޫލުން މުބާރާތުގައި ވާދަކުރާނީ ބަލައިގެން ކިޔުމުގެ ގޮފީގައި” ކަމަށެވެ.
ރަފީޤް އިތުރަށް ވިދާޅުވީ ދަރިވަރުން މުބާރާތައް ތައްޔާާރުކުރުމަށް އެންމެ ފަހުގެ ޓެކްނޮލޮޖީގެ ބޭނުންކޮށް ދަރިވަރުންނަށް ކިޔަވައިދެމުންދާކަމަށާއި މުބާރާތުން ވަނައަކަށް އުންމީދުކުރާކަމަށެވެ. އަދި ދަރިވަރުންގް ފަރިތަކުރުންތައް ހުކުރު ހޮނިހިރު ފިޔަވާ ކޮންމެ ދުވަހަކުވެސް ކުރިއަށްގެންދާ ކަމަށެވެ.
ނޮޅިވަރަންފަރުގައި ބޭއްވުމަށް ހަމަޖެހިފައިވާ ހދ އަތޮޅު ޤުރުއާން މުބާރާތުގައި ކުރިނބީ ސްކޫލުން ބައިވެރިވެފައިވަނީ ޖުމްލަ 8 ދަރިވަރުންނެވެ.
މުބާރާތައް ތައްޔާރުވުމުގެ ގޮތުން އިތުރު ފަރިތަކުރުންތައް ކުރުމަށްޓަކައި ދަރިވަރުންވަނީ، ކުރިނބީ ކައުންސިލްގެ އެހީތެރިކަމާއެކު ކުޅުދުއްފުއްޓަށް 2 ދަތުރުކޮށް އަލްޤާރީ ރޫހުލް އަމީން ކައިރިން މުބާރާތައް އިތުރަށް ފަރިތަކޮށްފައެވެ.