އިންޑިއާގައި މިހާރު ކުރިއަށްދާ ސާބާ ކްލަބް ޗެމްޕިއަންޝިޕުގައި ރާއްޖޭގެ ޓީރެކްސް ބާސްކެޓްބޯލް ކްލަބުން ކުޅުނު ފުރަތަމަ މެޗު ކާމިޔާބުކުރި ނަމަވެސް ޖެހިގެން އައި ދެ މެޗުން ބަލިވެ، އަމިއްލަ ބާރު ގެއްލިއްޖެ އެވެ.
މި މުބާރާތުގައި ރާއްޖޭގެ ޓީރެކްސް އިން ފުރަތަމަ މެޗުގައި ނުކުތީ ޓިމްޕޫ މެޖިކްސްއާ ދެކޮޅަށެވެ. މި މެޗު ޓީރެކްސް އިން ކާމިޔާބުކުރީ 14 ޕޮއިންޓްގެ ލީޑަކާއެކު 71-47 ޕޮއިންޓުންނެވެ.
އެކަމަކު ދެވަނަ މެޗުގައި ސްރީ ލަންކާގެ ކޮލަމްބޯ ބީސީ އަތުން ފަސް ޕޮއިންޓްގެ ހަނި ތަފާތަކުން ޓީރެކްސް ވަނީ ބަލިވެފަ އެވެ. މި މެޗު ކޮލަމްބޯ ބީސީ އިން ކާމިޔާބުކުރީ 79-74 ޕޮއިންޓް އިންނެވެ.
އަދި ތިންވަނަ މެޗުގައި ބޫޓާންގެ ޓައިމްސް ކްލަބް އަތުންވެސް ޓީރެކްސް ވަނީ ބަލިވެފަ އެވެ. މި މެޗު ޓައިމްސް އިން ކާމިޔާބުކުރީ 67-59 ޕޮއިންޓުންނެވެ.
މުބާރާތުގައި ޓީރެކްސް އަށް ބާކީ އޮތީ މުބާރާތް ބާއްވާ ގައުމު އިންޑިއާގެ ކްލަބް ޓެމިލް ނާޑޫއާ ދެކޮޅަށެވެ. މި މެޗަށް ނުކުންނައިރު، ޓީރެކްސް އަށް ވަނީ އަމިއްލަ ބާރު ގެއްލިފަ އެވެ.