ފާއިތުވެދިޔަ ދެ އަހަރު ދަރިވަރުންނަށް ލޯނުގެ ގޮތުގައި 1.25 ބިލިއަން ރުފިޔާ، އަދި ސަރުކާރުގެ ސްކޯލާޝިޕްގައި ކިޔަވާ ދަރިވަރުންނަށް 471.09 މިލިއަން ރުފިޔާ ދޫކޮށްފައިވާކަން ހަޔާ އެޑިއުކޭޝަން މިނިސްޓްރީން އާންމުކުރި ތަފާސްހިސާބުތަކުން ދައްކައިފިއެވެ. އެ މިނިސްޓްރީން މިއަދު އާންމުކުރި ތަފާސްހިސާބުތަކުން ދައްކާ ގޮތުގައި، ފާއިތުވެދިޔަ ދެ އަހަރު ސަރުކާރުގެ ސްކޯލާޝިޕްތަކުގައި ކިޔަވާ ދަރިވަރުންނަށް 471.09 މިލިއަން ރުފިޔާ ދޫކުރިއިރު، މިދިޔަ އަހަރު އެކަނި ވެސް 222.17 މިލިއަން ރުފިޔާ ދޫކޮށްފައިވެއެވެ. ހަމަ އެހެންމެ، ދަރިވަރުންނަށް ލޯނުގެ ގޮތުގައި 1.25 ބިލިއަން ރުފިޔާ ދޫކުރިއިރު، މިދިޔަ އަހަރު 548.16 މިލިއަން ރުފިޔާ ލޯނުގެ ގޮތުގައި ދޫކުރި ކަމަށް އެ ތަފާސްހިސާބުތަކުގައިވެއެވެ. https://x.com/MoHEmv/status/2010570909531386080 މިނިސްޓްރީން އާންމުކުރި ތަފާސްހިސާބުތަކުގައިވާ ގޮތުން މިދިޔަ އަހަރުގެ ނިޔަލަށް ފާއިތުވެދިޔަ ދެ އަހަރު 411 ދަރިވަރަކު ސަރުކާރުގެ ސްކޯލާޝިޕްތަކުގައި ކިޔަވަމުން އަންނައިރު، 441 ދަރިވަރަކު ވަނީ ދަސްވެނިވެފައެވެ. އަދި, މިދިޔަ އަހަރު ސަރުކާރުގެ ސްކޯލާޝިޕްގައި 205 ދަރިވަރަކު ކިޔަވަމުން އަންނައިރު، 180 ދަރިވަރަކު ވަނީ ދަސްވެނިވެފައެވެ. އެ ތަފާސްހިސާބުތަކުގައިވާ ގޮތުން، މި ވަގުތު އެކަނި ވެސް 602 ދަރިވަރަކު، ސަރުކާރުގެ ސްކޯލާޝިޕްގައި 20 ގައުމެއްގައި އަންނަނީ މަތީ ތައުލީމު ހާސިލުކުރަމުންނެވެ. https://x.com/MoHEmv/status/2010565111036170410 އަދި، ފާއިތުވެދިޔަ ދެ އަހަރުން ފެށިގެން ސަރުކާރުގެ ލޯނުގައި 1،438 ކިޔަވަމުން އަންނައިރު، 1،211 ދަރިވަރަކު ވަނީ ދަސްވެނިވެފައެވެ. މިދިޔަ އަހަރުން ފެށިގެން 596 ދަރިވަރަކު ލޯނުގައި ކިޔަވަމުން އަންނައިރު، 660 ދަރިވަރަކު ވަނީ ދަސްވެނިވެފައެވެ. މި ވަގުތު އެކަނި ވެސް ސަރުކާރުގެ ލޯނުގައި 1،740 ދަރިވަރަކު ރާއްޖެއާއި ރާއްޖޭން ބޭރު 36 ގައުމެއްގައި ކިޔަވަމުން އަންނަ ކަމަށް މިނިސްޓްރީގެ ތަފާސްހިސާބުތަކުން ދައްކައެވެ. ހަޔާ އެޑިއުކޭޝަން މިނިސްޓްރީގެ ތަފާސްހިސާބުތަކުން ހާމަވާ ގޮތުގައި، މަތީ ތައުލީމު ހާސިލުކުރާ ފިރިހެން ދަރިވަރުންނަށްވުރެ އަންހެން ދަރިވަރުން އިތުރެވެ. https://sun.mv/215850 ފާހަގަކުރެވޭ ގޮތުގައި ސަރުކާރުގެ ލޯނާއި ސްކޯލާޝިޕްގައި ކިޔަވަމުން އަންނަ ދަރިވަރުންގެ އެންމެ ބޮޑު އެއް ކަންބޮޑުވުމަކީ މިނިސްޓްރީން ދަރިވަރުންނަށް ވެފައިވާ އިހުމާލެވެ. އެގޮތުން، ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް (ކުޑޫ)، މިނިސްޓަރު ޑރ. ޢަލީ ހައިދަރު އަޙްމަދަށް ފޮނުއްވި ސިޓީއަކާ އެކު ހުށަހެޅުއްވި ރިޕޯޓުގައިވާ ގޮތުން: ސްކޯލާޝިޕްތަކުގައި ކިޔަވާ ދަރިވަރުންނަށް މަހުން މަހަށް ޖަމާވާން ޖެހޭ ފައިސާ ނުވަތަ ސްޓައިޕެންޑް ގަވައިދުން ނުލިބޭ، ނަތީޖާއެއްގެ ގޮތުން ދަރިވަރުންނަށް އަސާސީ ބޭނުންތަކަށާއި ކުއްޔަށް ޚަރަދު ނުކުރެވޭ މިނިސްޓްރީން ދަރިވަރުން ފޮނުވާ އީމެއިލްތަކަށް ޖަވާބު ނުލިބޭކަމާއި ވަޓްސްއަޕް މެދުވެރިކޮށް ދެނީ ނުސާފު ޖަވާބުތަކެއް ގަވާއިދުން ދަރިވަރުންނަށް ފައިސާ ނުލިބުމުގެ ސަބަބުން ބައެއް ދަރިވަރުންގެ ސްކޯލާޝިޕްތައް ކެންސަލްވާ ހިސާބަށް ގޮސް، ޔުނިވާސިޓީތަކުން ދަރިވަރުންނަށް ކިޔެވުމައިގެން ކުރިއަށް ނުދެވޭ ގޮތް ހަދާފައިވޭ އޭގެ ފަހުން ހައިދަރު މިދިޔަ މަހުގެ ފަހުކޮޅު 'ސަން'އަށް ވިދާޅުވީ، ދަރިވަރުންނަށް މަހުން މަހަށް ގަވައިދުން ފައިސާ ނުދެވޭ މައްސަލަ ހައްލުކުރުމަށް މަސައްކަތްކުރަމުން އަންނަ ކަމަށެވެ. އަދި، ދަރިވަރުންނަށް މަހުން މަހަށް ދޭ ފައިސާ ބޮޑުކުރަން ނިންމިކަމަށް ވެސް އޭނާ ވިދާޅުވިއެވެ.