ދުނިޔޭގެ އެންމެ ގިނަ އޭއައި ޕޭޓަންޓް އޮތް ގައުމަކަށް ޗައިނާ ވެއްޖެއެވެ. ޗައިނާގައި އާޓިފިޝަލް އިންޓެލިޖެންސް (އޭއައި) ޓެކްނޮލޮޖީ އަންނަނީ ތާރީޚުގައި ވެސް ނުދެކޭހާ ހަލުވި މިނެއްގައި ކުރިއަރަމުންނެވެ. 'ޑީޕްސީކް' އަދި 'ސީޑާންސް' ފަދަ އޭއައި މޮޑެލްތަކުގެ މަގުބޫލުކަން ކުއްލިއަކަށް އިތުރުވުމުގެ އިތުރުން، ހިއުމަނޮއިޑް ރޮބޮޓްތަކާއި ސްމާޓް ކާރުތަކުގެ ދާއިރާއިން ޗައިނާއިން އަންނަނީ ބޮޑެތި ކުރިއެރުންތަކެއް ހޯދަމުންނެވެ. މީގެ އިތުރުން ވެސް ސްމާޓް ފެކްޓަރީތަކާއި ސްމާޓް ސިޓީތަކުގެ ނިޒާމުތައް ފުޅާކޮށް، އޭއައިގެ ސަބަބުން އާންމު ދިރިއުޅުމަށާއި އެކި ސިނާއަތްތަކަށް ދަނީ އިންގިލާބީ ބަދަލުތަކެއް އަންނަމުންނެވެ. ޗޮންގްކިން ޔުނިވަސިޓީއާ ގުޅުން ހުރި ޝާޕިންބާ ހޮސްޕިޓަލުގެ ޑޮކްޓަރަކު ކަލަރ އަލްޓްރާ ސައުންޑް ޑައިގްނޯސިސް ކުރުމަށް އޭއައިގެ އެހީގައި މެޑިކަލް ސިސްޓަމެއް ބޭނުންކުރަނީ -- ފޮޓޯ: ސަން ކައިފަންގް މިދިޔަ އަހަރުގެ ނިޔަލަށް ޗައިނާގައި އޭއައި ދާއިރާގައި މަސައްކަތްކުރާ 6،000 އަށްވުރެ ގިނަ ކުންފުނި އޮތްއިރު، އޭއައިގެ މައިގަނޑު ސިނާއަތުގެ އަގު ވަނީ 1.2 ޓްރިލިއަން ޔުއާން (174.3 ބިލިއަން އެމެރިކާ ޑޮލަރު) އަށް އަރާފައެވެ. ހަމައެއާއެކު އެ ގައުމުގެ އިންޓެލިޖެންޓް ކޮމްޕިއުޓިން ޕަވާ ކެޕޭސިޓީ ވަނީ 1،590 'އެކްސަފްލޮޕްސް'އަށްވުރެ މައްޗަށް ގޮސްފައެވެ. ވޯލްޑް އިންޓެލެކްޗުއަލް ޕްރޮޕަޓީ އޯގަނައިޒޭޝަން (ޑަބްލިޔުއައިޕީއޯ) އިން 2025 ވަނަ އަހަރު އާންމުކުރި ތަފާސްހިސާބުތައް ދައްކާގޮތުން، ދުނިޔޭގެ ނިސްބަތުން އެންމެ ގިނަ އޭއައި ޕޭޓަންޓް މިހާރު ކޮންޓްރޯލް ކުރަނީ ޗައިނާއިންނެވެ. މުޅި ދުނިޔޭގެ އޭއައި ޕޭޓަންޓްތަކުގެ 60 އިންސައްތަ ހިއްސާކުރަނީ ޗައިނާއިންނެވެ. އަދި އޭއައިއާ ގުޅޭގޮތުން ނެރޭ ރިސާޗް ޕޭޕަރުތަކުގެ އަދަދާއި ފެންވަރުގެ ގޮތުންވެސް ޗައިނާ އުޅެނީ ދުނިޔޭގެ އެންމެ ކުރީގައެވެ. https://x.com/China_Amb_Mdv/status/2038199771018719674 އާ އީޖާދުތަކާއެކު ޗައިނާއިން ވަނީ އަމިއްލަ އޭއައި ޗިޕްތައް އުފައްދައި، ބޮޑެތި ޑޭޓާސެޓްތައް ތަރައްގީކޮށްފައެވެ. އަދި ޗައިނާގައި އުފައްދާފައިވާ އޯޕަން-ސޯސް މޮޑެލްތަކުގެ ސަބަބުން، ބައިނަލްއަގުވާމީ ވާދަވެރިކަމުގެ ތެރޭގައިވެސް އޭއައިގެ މުހިންމު ޓެކްނޮލޮޖީތައް ކޮންޓްރޯލްކުރުމުގެ ބާރު ޗައިނާއަށް ވަނީ ލިބިފައެވެ. ޗައިނާގެ އިންޓަނެޓް ނެޓްވޯކް އިންފޮމޭޝަން ސެންޓަރުގެ ތަފާސްހިސާބުތައް ދައްކާގޮތުން، 2025 ވަނަ އަހަރުގެ ޑިސެމްބަރު މަހުގެ ނިޔަލަށް އެ ގައުމުގައި ޖެނެރޭޓިވް އޭއައި ބޭނުންކުރާ މީހުންގެ އަދަދު ވަނީ 602 މިލިއަނަށް އަރާފައެވެ. މިއީ 2024 ވަނަ އަހަރުގެ ނިޔަލަށް ހުރި އަދަދާ އަޅާބަލާއިރު 141.7 އިންސައްތައިގެ ކުރިއެރުމެކެވެ. މިއާއެކު އޭއައި ބޭނުންކުރާ މީހުންގެ ނިސްބަތް ވަނީ 42.8 އިންސައްތައަށް އުފުލިފައެވެ. އޭއައިގެ ބޭނުން ސިއްހީ ދާއިރާގައިވެސް (މިސާލަކަށް އޭއައި މެދުވެރިކޮށް އަލްޓްރާސައުންޑް ހެދުން ފަދަ ކަންކަމުގައި) ފުޅާ ދާއިރާއެއްގައި ދަނީ ކުރަމުންނެވެ. އޭއައިގެ ބޮޑެތި މޮޑެލްތައް ނެރުމުގައި ޗައިނާ މިހާރު ދުނިޔޭގެ ލީޑަރަކަށް ވެފައިވާއިރު، 2025 ވަނަ އަހަރު ދުނިޔޭގައި އެންމެ ގިނައިން ޑައުންލޯޑްކޮށްފައިވަނީވެސް ޗައިނާގެ އޯޕަން-ސޯސް މޮޑެލްތަކެވެ. އެއީ ދުނިޔޭގެ ނިސްބަތުން 17.1 އިންސައްތައެވެ. އަދި 2026 ވަނަ އަހަރުގެ ފެބްރުއަރީ އަދި މާޗް މަހު 'އޯޕަންރައުޓަރ' ގައި އެންމެ ގިނައިން ބޭނުންކުރި މޮޑެލްތަކުގެ ލިސްޓުގެ އެންމެ ކުރިންވެސް ޗައިނާގެ މޮޑެލްތައް ވަނީ ދެ ފަހަރެއްގެ މަތިން ޖާގަ ހޯދާފައެވެ. މީގެ ތެރޭގައި ޑީޕްސީކް، ކިއުވެން، އަދި ޖީއެލްއެމް-5 ހިމެނެއެވެ. މި މޮޑެލްތަކުގެ ސަބަބުން ދުނިޔޭގެ އެކި ކަންކޮޅުތަކުގައި ތިބި ޑިވެލޮޕަރުންގެ މެދުގައި މަގުބޫލުކަން ހޯދައި، އޯޕަން-ސޯސް އޭއައިގެ އާ އިންގިލާބެއް ދަނީ ފެށެމުންނެވެ.