އިދިކޮޅު ޕީޕީއެމްގެ ރިޔާސީ ކެންޑިޑޭޓު އަދި ކުރީގެ ރައީސް އަބްދުﷲ ޔާމީން ޖަލުގައި އޮތުމުން ކަންބޮޑުވާ ކަމަށް، އެމްއެންޕީގެ ރިޔާސީ ކެންޑިޑޭޓު އަދި ދަނގެތީ ދާއިރާގެ މެންބަރު، ކާނަލް ރިޓަޔާޑް މުހައްމަދު ނާޒިމް ވިދާޅުވެއްޖެ އެވެ.
ރާއްޖެއިން މިހާރު ފެންނަމުންދަނީ ނާޒިމް ވިދާޅުވި ގޮތުގައި "ސެލެކްޓިވް ޖަސްޓިސް" އެވެ. އެމްއެމްޕީއާރްސީ ހިޔާނާތުގެ މައްސަލާގައި ގިނަ ފަރާތްތަކެއް ޝާމިލުވާއިރު، ރައީސް ޔާމީނަށް އެކަނި އަދަބު ދިނުމަކީ އިންސާފު ނޫން ކަމަށް ނާޒިމް ވިދާޅުވި އެވެ. އަދި އެމްއެންޕީގެ ސަރުކާރެއް ވާނީ އިންސާފު ގާއިމުކުރާ ސަރުކާރަކަށް ކަމަށް ވިދާޅުވި އެވެ.