ޕިއްޒާއަށް އަލަނާސި ލުމަކީ އެކަމާ ގުޅޭގޮތުން މީހުންގެ ތެރޭގައި ވަރަށް ހިޔާލު ތަފާތުވާ ކަމެކެވެ. އެއް ބަޔަކު ބުނާ ގޮތުގައި މިވަރު ގޯސް ކަމެއް ނުކުރެވޭނެއެވެ. އަނެއް ބަޔަކަށް މިއީ ސަޅި ކަމެކެވެ. އިނގިރޭސިވިލާތުގެ ކެފޭއަކުން އަންނަނީ މިފަދަ ޕިއްޒާއެއް ޕްރޮމޯޓް ކުރަމުންނެވެ. ނަމަވެސް, މި ގަންނަ ނަމަ ލިބޭނީ އަދަބެކެވެ. އިންގްލެންޑުގެ ނޯވިޗްގައި ހުންނަ "ލޫޕާ ޕިއްޒާ" ކިޔާ ކެފޭއަކީ ތަފާތު އެކި ވައްތަރުގެ ޕިއްޒާތައް ވިއްކާ ޕިއްޒޭރިއާއެކެވެ. މި ތަނުގެ އޯނަރުންނަށް އަލަނާސި ޕިއްޒާ ކަމަކުނުދެއެވެ. މި މީހުން މެނޫއަށް ތައާރަފުކޮށްފައިވަނީ އަލަނާސި ޕިއްޒާ ވަރަށް އަގުބޮޑު ކޮށެވެ. މެނޫގައި އެހެން ޕިއްޒާތައް އެވަރެޖްކޮށް ހުންނަނީ 15 ޑޮލަރާއި 20 ޑޮލަރާ ދެމެދުގައެވެ. ނަމަވެސް, އަލަނާސި ޕިއްޒާގެ އަގު މި ޕިއްޒާތަކާ އެތައް ގުނައެއް އަގުބޮޑެވެ. އެގޮތުން, އަލަނާސި ޕިއްޒާ މި ކެފޭއިން ވިއްކަނީ 122 ޑޮލަރަށެވެ. މިހާ އަގުބޮޑުކޮށް ޕިއްޒާ ވިއްކަނީ މި ޕިއްޒާއަށް އޮންނަ ނަފުރަތެއްގެ ބޮޑު ކަމުން ކަމަށް އޯނަރުންގެ ތެރެއިން ސޭމް ޕަނަލަޕޫލޫސް ބުނެއެވެ. "ޕިއްޒާގައި އަލަނާސި ބޭނުންކުރުމަކީ ވަރަށް ކޮންޓްރޮވާޝަލް ކަމެއް. ބައެއް މީހުން ލޯބި ކުރާނެ. އަނެއް ބަޔަކު ނަފުރަތު. އަހަރެމެން މެނޫއަށް ލާފައިވަނީ އެ ކަމަށް ޑިމާންޑު ބޮޑުވީމާ. އެކަމު ސަޕޯޓު ނުކުރާތީ އަގުބޮޑުކޮށް ވިއްކަން ޖަހާފައި އިންނާނީ،" އޭނާ ބުންޏެވެ. އަލަނާސި ޕިއްޒާ ކަމުނުދިޔަ ނަމަވެސް މި ޕިއްޒާއަށް ބޭނުންކުރަނީ ރަނގަޅު ކޮލިޓީ އަލަނާސި ކަމުގައި އޭނާ ބުނެއެވެ. އެގޮތުން، ކޮންމެ ހަފުތާއަކު އާ އަލަނާސި ގަންނަ ކަމަށް އޭނާ ފާހަގަކޮށްފައިވެއެވެ.