އޮކްޓޫބަރު އަދި ނޮވެމްބަރު މަހު ހެދި އޭލެވެލް އިމްތިހާނުގެ ނަތީޖާ ދޫކުރަން ފަށައިފިއެވެ.
ނަތީޖާ ދޫކުރާނީ އެ ކުއްޖަކު އިމްތިހާނު ހެދި ސެންޓަރަކުން ކަމަށާއި ނަމަވެސް އަމިއްލަ ގޮތުން އިމްތިހާނުގައި ބައިވެރިވި ދަރިވަރުންގެ ނަތީޖާ ޑިޕާޓްމަންޓް އޮފް ޕަބްލިކް އެގަޒަމިނޭޝަން އިން ދޫކުރާނެ ކަމަށް އެ އިދާރާއިން ބުނެފައިވެއެވެ.
އެޑެކްސެލް އާއި ކެމްބްރިޖް އަދި ދިވެއްސާއި އިސްލާމް މާއްދާ ހިމެނޭ އެޗްއެސްސީ، ޖުމްލަ 4،293 ދަރިވަރުން ހަދާފައިވާއިރު އެޗްއެސްސީ ޓެސްޓު 1،663 ދަރިވަރުން، އެޑެކްސެލް އޭލެވެލް އިމްތިހާނުގައި 3،842 ދަރިވަރުން ހަދާފައިވާއިރު ކޭމްބްރިޖް އޭލެވެލް އިމްތިހާނުގައި 443 ދަރިވަރުން ބައިވެރިވެފައިވެއެވެ.