ޕާކިސްތާނުގެ ހުޅަނގު ދެކުނު ބަލޮޗިސްތާން ޕްރޮވިންސްގައި ހުންނަ ޑޭމް މަޝްރޫއެއްގެ ފުލުހުންގެ މަރުކަޒަކަށް ހަތިޔާރުއެޅި ގްރޫޕަކުން ދިން ވަރުގަދަ ހަމަލާއެއްގައި، މަދުވެގެން ނުވަ ފުލުހަކު މަރުވެއްޖެއެވެ.
ޕާކިސްތާނާއި އަފްޣާނިސްތާނާ ދެމެދު އޮންނަ ބޯޑަރު ސަރަހައްދުގެ ސަލާމަތީ މަސްރަހު ފަހަކަށް އައިސް ވަނީ ވަރަށް ބޮޑަށް ގޯސްވެފައެވެ. އަފްޣާނިސްތާނުގެ ސަރަހައްދުތަކުގައި ތިބެގެން ޓީޓީޕީގެ ހަނގުރާމަވެރިން ޕާކިސްތާނަށް ހަމަލާދޭ ކަމަށް ބުނެ، ޕާކިސްތާނުން ދަނީ ބޯޑަރު ހުރަސްކޮށް އަފްޣާނިސްތާނުގެ އެކި ސަރަހައްދުތަކަށް ވައިގެ ހަމަލާތަކާއި ޑްރޯން ހަމަލާތައް ދެމުންނެވެ.