ކުރިން ޑީއާރްޕީގައި ހުންނަވާފައި އެމްޑީޕީއާ ގުޅިވަޑައިގެންނެވި މިހާރު ރައްޔިތުން މަޖިލީހުގެ ހޮޅުދޫ ދާއިރާގެ މެމްބަރު އަލީ މުހައްމަދު (އަލިބެ) ޕީޕީއެމްއާ ގުޅިވަޑައިގެންފި އެވެ.
އަލިބެ ކުރިން ޑީއާރްޕީގައި ހުންނެވުމަށްފަހު އެމްޑީޕީއާ ގުޅިވަޑައިގަތީ މިދިއަ އަހަރުގެ މޭ މަހު އެވެ. އެމްޑީޕީން ވަކިވެ ވަޑައިގެން ޕީޕީއެމަށް އަލިބެ ސޮއި ކުރެއްވިކަން ޕީޕީއެމަކުން ހާމައެއްވެސް ނުކުރެ އެވެ. ނަމަވެސް އެކަން ހާމަވީ މަޖިލީހުގެ މިއަދުގެ ޖަލްސާގައި މަޖިލީހުގެ ރައީސް އަބްދުﷲ މަސީހު އެކަން ހާމަ ކުރެއްވުމުންނެވެ. -- މެމްބަރަކު ޕާޓީ ބަދަލުކުރައްވައިފި ނަމަ އެކަން މަޖިލީހަށް ހުށަހަޅައި، ރިޔާސަތުން ހާމަކުރައްވަން ޖެހެ އެވެ. --
އެމްޑީޕީގެ ޓިކެޓްގައި ހޮޅުދޫ ދާއިރާގެ މެންބަރު ކަމަށް ހޮވި ވަޑައިގެންނެވި އަލިބެ އަކީ މިހާތަނަށް 27 އަހަރާ އަށް މަސްދުވަހު މަޖިލީހުގެ މެންބަރުކަން ކުރައްވާފއި އަދި މަޖިލީހުގެ ރިޔާސަތު ބަލަހައްޓާވާ ބޭފުޅުންގެ ތެރޭގައި ހިމެނި ވަޑައިގަންނަވާ ބޭފުޅުންގެ ތެރޭގައި ވެސް ހިމެނި ވަޑައިގަންނަވާ ބޭފުޅެކެވެ.
އަލިބެ ޕީޕީއެމާ ގުޅިވަޑައިގަތުމާއެކު ޕީޕީއެމްގެ ޕީޖީ ގްރޫޕްގެ މެމްބަރުންގެ އަދަދަކީ މިހާރު 41 އެވެ.