ރައްޔިތުންގެ މަޖިލީހުގެ ކެންދޫ ދާއިރާގެ ޖުމްހޫރީ ޕާޓީގެ މެންބަރު އަދި މަޝްހޫރު ގާނޫނީ ވަކީލު އަލީ ހުސައިން ސުޕްރީމް ކޯޓަށް ހާޒިރުވާން އެކޯޓުން އަންގައިފިއެވެ.
އަލީ ހުސައިން ސުޕްރީމް ކޯޓަށް ހާޒިރުވާން އަންގާފައިވަނީ މާރޗް މަހުގެ 4ވާ އާދިއްތަ ދުވަހުއެވެ.
މެންބަރު އަލީ ހުސައިން ސުޕްރީމް ކޯޓަށް ހާޒިރުވާން އެ ކޯޓުން އަންގާފައިވާއިރު، ކޯޓަށް ހާޒިރުކުރަން ބޭނުންވާ ސަބަބެއްކަމަށް ބަޔާންކޮށްފައިވަނީ އެ ކޯޓްގެ ބޭނުމަކަށްކަމަށެވެ.
ވީނިއުސްއަށް މައުލޫމާތު ދެއްވަމުން މެންބަރު އަލީ ހުސައިން ވިދާޅުވީ ސުޕްރީމް ކޯޓްގެ ބޭނުމަކަށް އެކޯޓަށް ހާޒިރުވުމަށް އަންގާ މިއަދު ޗިޓެއް ލިބިފައިވާކަމަށެވެ.
ޗިޓްގައިވަނީ އަންނަ އާދިއްތަ ދުވަހުގެ މެންދުރު 1:30އަށް ސުޕްރީމް ކޯޓަށް ހާޒިރުވުމަށްކަމަށްވެސް އަލީ ހުސައިން ވިދާޅުވިއެވެ.