ބޮލީވުޑްގެ ދުވަސްވީ ގިނަ އެކްޓަރުން އެ މީހުންގެ އުމުރަށް ވުރެ ދެ ގުނަ ހަގު ބަތަލާއިންނާ އެކު ފިލްމުތައް ކުޅުމަކީ ވަރަށް އާންމު ކަމެކެވެ. އެކަމަކު ބަތަލާއިން މިކަހަލަ ރޯލެއް ކުޅެފި ނަމަ އަމާޒުވާ ފާޑުކިޔުންތައް ގިނަ އެވެ.
ޝާހްރުކް ޚާނާއި ސަލްމާން ޚާނާއި އާމިރު ޚާނާއި އަކްޝޭ ކުމާރު ފަދަ ތަރިން އެ މީހުންގެ ދަރިންގެ އުމުރުގެ ބަތަލާއިންނާ އެކު ފިލްމުތައް ކުޅުމަކީ މާ އައިބު ކަމެއް ކަމަކަށް ގިނަ ބަޔަކު ނުދެކެ އެވެ. އެކަމަކު އެ ތަރިންނާ އެކު ފިލްމު ކުޅުނު ގިނަ ބަތަލާއިން ތިބީ އުމުރާ ގުޅޭ ކަހަލަ ރޯލްތަކެއް ނުލިބޭތީ ގެއްލިފަ އެވެ. މިސާލަކަށް ޖޫހީ ޗާވްލާ އާއި މަދޫރީ ޑިކްސިޓާއި ކަރިޝްމާ ކަޕޫރާއި ރަވީނާ ޓަންޑަން ފަދަ ބަތަލާއިން ނަމޫނާއަކަށް ނެގިދާނެ އެވެ.
މި ބަތަލާއިން ކުރިއެކޭ އެއްގޮތަށް ފިލްމުތައް ކުޅެން ބޭނުންވި ނަމަވެސް އެ މީހުންގެ އުމުރާ ގުޅޭ ކަހަލަ ރޯލެއް ކުޅެން ލިބުމަކީ ނާދިރު ކަމެކެވެ. އަދި ކުރިން ފިލްމުތައް ކުޅުނު އެކްޓަރުންނާ އެކު ފިލްމެއް ކުޅެން މިހާރު ލިބުމަކީ ވާނެ ކަމެއް ވެސް ނޫނެވެ.
Dekhiye Rajjo aur Chulbul Pandey ka naughty romance with #YuKarkehttps://t.co/sNVKDQRkpr  @BeingSalmanKhan @arbaazSkhan @saieemmanjrekar @PDdancing @KicchaSudeep @nikhil_dwivedi @SajidMusicKhan @wajidkhan7 @ipayaldev @danishsabri12 @VMVMVMVMVM @SKFilmsOfficial @TSeries— Sonakshi Sinha (@sonakshisinha) November 22, 2019
ނަމަވެސް ނުފޫޒު ގަދަ އެކްޓަރުން ހަމަ ދެ ގޮތެއް ނުވެ ޅަ ބަތަލާއިންނާ އެކު މަސައްކަތްކުރަނީ އެވެ.
މިކަމާ ބެހޭ ގޮތުން ސޮނާކްޝީ ދެއްކި ވާހަކަތަކެއް މާނަކުރަން ބައެއް މީހުންނަށް ވަނީ އުނދަގޫ ކަމަކަށް ވެފަ އެވެ. އޭނާ ދިން އިންޓަވިއުއެއްގައި ބުނީ 50 އަހަރުގެ ބަތަލާ އަކު 22 އަހަރުގެ އެކްޓަރަކާ އެކު މަސައްކަތްކުރުމަކީ ވަރަށް "އޮޑް" ކަމަކަށް ވާނެ ކަމަށެވެ. ސޮނާކްޝީގެ މި ވާހަކަ ބައެއް މީހުން ސިފަކުރީ ޚާނުންނަށް ކުރި މަލާމާތެއްގެ ގޮތުގަ އެވެ.
އަކްޝޭ އާއި ސޮނާކްޝީގެ ލަވައެއް.
އަދި ހަމަ އެ ވާހަކައާ ވިއްދައިގެން ސޮނާކްޝީ ބުނީ މިސާލަކަށް މަދޫރީއާ އެކު ޒުވާން އެކްޓަރު އިޝާން ޚައްތަރު (ޝާހިދު ކަޕޫރްގެ ކޮއްކޮ) އާ އެކު ފިލްމެއް ކުޅެނި ފަދަ އެކަން ބަލައިގަންނަން ވަރަށް އުނދަގޫވާނެ ކަމަށެވެ. އެކަމަކު މަދޫރީގެ އުމުރުގެ އެކްޓަރަކު، މިސާލަކަށް ސަލްމާން ޒުވާން ބަތަލާއަކާ އެކު ފިލްމު ކުޅުމަކީ މާ ބޮޑު މައްސަލައަކަށް ނުވާނެ ކަމަށް ބުންޏެވެ. އަދި އޭނާ އެކަން ސިފަކުރީ ސަލްމާން ފަދަ އެކްޓަރުންނަކީ އަދިވެސް "ޒުވާނުން" ގެ ގޮތުގަ އެވެ. އަދި އެ ވާހަކަ ބައެއް މީހުންނަށް މާނަކުރެވެނީ ސަލްމާންގެ އުމުރުގެ ބަތަލާއިންނަކީ މިހާރު ލީޑް ރޯލް ކުޅޭ ވަރަށް ވުރެ "މުސްކުޅި" ބަތަލާއިންގެ ގޮތުގަ އެވެ.
"ދެން ސަލްމާން ކައިރީ އެހީމަ ކަންނޭނގޭ އެނގޭނީ އޭނާ ޒުވާންކޮށް ހުންނަން ކީއްތޯ ކުރަނީ؟" ސަލްމާނާ އެޖު 2010 ގައި ފިލްމު "ދަބަންގް" އިން ބޮލީވުޑަށް ތައާރަފުވި ބަތަލާ ބުންޏެވެ.
އުމުރުން މިހާރު 68 އަހަރުގެ ރަޖްނީކާންތާ އެކު ވެސް ފިލްމެއް (2014 ގެ ލިންގާ) ކުޅުނު ސޮނާކްޝީ، 32، ބުނީ އޭނާ އަށް ވުރެ އުމުރުން ދޮށި އެކްޓަރުންނާ އެކު މަސައްކަތްކުރުމަކީ މައްސަލައެއް ކަމަށް ނުދެކޭ ކަމަށެވެ. އަދި އެއީ ފިލްމީ ދާއިރާގެ ކަންކަން ހިނގާ ގޮތް ކަމަށާއި ބަތަލުންނާއި ބަތަލުން ވެސް އަދާކުރަނީ އެ މީހުންނާ ހަވާލުކުރާ މަސައްކަތެއް ކަމަށް ބުންޏެވެ.
"އެހެންވެ އުމުރުގެ ފަރަގަކީ އަހަރެން އެހާ ބޮޑަށް ވިސްނާ ކަމެއް ނޫން." ސޮނާކްޝީ ބުންޏެވެ.
ސޮނާކްޝީގެ ކުރިއަށް އޮތީ ވެސް ސަލްމާނާ އެކު ކުޅުނު ފިލްމެކެވެ. އެއީ މި މަހުގެ 20 ގައި ރިލީޒްކުރާ "ދަބަންގް 3" އެވެ.