ހައުސިން ޑިވެލޮޕްމެންޓު ކޯޕަރޭޝަން (އެޗްޑީސީ)ގެ މުވައްޒަފުންނަށް މިދިޔަ އަހަރުގެ ބޯނަސް ޖަމާކޮށްދޭން ފަށައިފި އެވެ.
ވީ ކިހިނެއް؟ - އެނގިފައިވާ ގޮތުގައި އެ ކުންފުނީގެ ބައެއް މުވައްޒަފުންނަށް ބޯނަސްގެ ގޮތުގައި 18،600ރ. ވަނީ ލިބިފަ އެވެ. މިއީ ބޯނަސްގެ ގޮތުގައި މި އަހަރު އެންމެ ބޮޑު އަދަދެއް ލިބޭ މުވައްޒަފުންނަށް ލިބޭނެ އަދަދެވެ.
ތަފްސީލް - ބޯނަސްގެ ގޮތުގައި ފައިސާ ދެނީ އެ މުވައްޒަފަކު މި އަހަރުގެ ތެރޭ ކުންފުންޏަށް ހިދުމަތްކުރި މުއްދަތަށް ރިއާޔަތްކުރުމަށް ފަހު އެވެ.
މިދިޔަ އަހަރު އެ ކުންފުނީގެ މުވައްޒަފުންނަށް 10،000ރ ބޯނަސްގެ ގޮތުގައި ދިނެވެ.
ފާހަގަ ކުރެވޭ - ސަރުކާރު ހިއްސާވާ ބައެއް ކުންފުނިތަކުން އެ ކުންފުނިތަކުގެ މުވައްޒަފުންނަށް ބޯނަސްގެ ގޮތުގައި ފައިސާދެ އެވެ. އެގޮތުން އެމްއޭސީއެލް އިން ވަނީ 25،000ރ. އެ ކުންފުނީގެ މުވައްޒަފުންނަށް ބޯނަސްގެ ގޮތުގައި ދީފަ އެވެ.