ސަރުކާރުން މިހާތަނަށް 11 ރަށް ފަތުރުވެރިކަމަށް ދޫކޮށްފައިވާ ކަމަށް ފަތުރުވެރިކަމާބެހޭ ވަޒީރު އިބްރާހީމް ފައިޞަލް މިއަދު ވިދާޅުވެއްޖެއެވެ.ވަޒީރު ފައިޞަލް ދެއްވި މަޢުލޫމާތުގައި، ސަރުކާރުން 25 ރަށް އަލަށް ހުޅުވާލައި، އޭގެ ތެރެއިން 11 ރަށުގެ އެވޯޑު ލެޓަރ ހަވާލުކޮށްފައިވާ ކަމަށް ވިދާޅުވިއެވެުވިއެވެ. މިއީ 385 މިލިއަން ޑޮލަރުގެ އިންވެސްޓްމަންޓެއް ކަމަށާއި، މި ރަށްތަކުގެ ތެރެއިން ގިނަ ރަށްތައް ދޫކުރެވިފައިވަނީ ދިވެހިންނަށް ކަމަށްވެސް އޭނާ ފާހަގަކުރެއްވިއެވެ."އަޅުގަނޑުމެން މިހާރު ކޮންމެ އަތޮޅަކަށް މާސްޓަރ ޕްލޭނަކާއި މާކެޓިންގ ޕްލޭނެއް އެކުލަވާލަމުން މިދަނީ," ވަޒީރު ވިދާޅުވިއެވެ. "މީގެ އިތުރުން، 4000 އިން 6000 އަށް އެނދު އިތުރުކޮށް، އެއަރޕޯޓުތައް ތަރައްޤީކޮށް، އަދި ވަޒީފާ އުފެއްދުމަށް މަސައްކަތްކުރަމުން މިދަނީ."ހަނިމާދޫ އެއަރޕޯޓާ ގުޅޭގޮތުން ވަޒީރު ވިދާޅުވީ، މި އެއަރޕޯޓާއެކު އެ ސަރަޙައްދުގައި ފަތުރުވެރިކަން އިތުރުކުރުމުގެ މަސައްކަތް ކުރިއަށްދާ ކަމަށެވެ.މި ފިޔަވަޅުތަކަކީ ރާއްޖޭގެ ފަތުރުވެރިކަމުގެ ދާއިރާ އިތުރަށް ފުޅާކޮށް، އިޤްތިޞާދީ ކުރިއެރުން ހޯދުމަށް އަޅާ މުހިންމު ފިޔަވަޅުތަކެއް ކަމަށް ވަޒީރު ފާހަގަކުރެއްވިއެވެ. މި މަޝްރޫޢުތަކުގެ ސަބަބުން ގިނަ އަދަދެއްގެ ވަޒީފާގެ ފުރުޞަތުތައް އުފެދި، ޤައުމުގެ އިޤްތިޞާދަށް ފައިދާކުރާނެ ކަމަށް އުންމީދުކުރެވެއެވެ.