މިއަދުގެ ސަން ބަދިގެ ސެގްމެންޓްގައި މި ގެނެސްދެނީ ވަރަށް ފަސޭހައިން ތައްޔާރުކޮށްލެވޭ ރިހައިގެ ބާވަތެކެވެ. މިއީ އާންމުކޮށް ދިވެހީންގެ މެދުގައި މަގުބޫލު ރަމަޟާން މަސް ނޫނަސް އާދައިގެ މަސް މަހު ވެސް ކެއުމަށް ބޭނުންކުރާ ބާވަތެކެވެ. ބޭނުންވާ ތަކެތި 500 ގްރާމް ކަންނެލި މަސް ފިޔާ (ބޮޑެތިކޮށް ކޮށާލާފައި) ލޮނުމެދު އިނގުރު (ފޮތިކޮށް ކޮށާލާފައޮ) ދިރި ކުދީނާ ފަތް ކޮތަނބިރި ރީނދޫ ހިކިމިރުސް/ގިތެޔޮ މިރުސް ކާށި ހުނި މުގު ހިކަނދިފަތް/ރާނބާފަތް ކާފޫރުތޮޅި ތައްޔާރުކުރާ ގޮތް ރިހަ ކައްކަން ބޭނުންވާ ހަވާދު ތައްޔާރުކޮށްލުމަށް ދިރި، ކުދީނާ ފަތް، ހިކަނދިފަތް، ލޮނުމެދު، އިނުގުރުކޮޅު (ތުނިކޮށް ކޮށާލުމަށްފަހު)، ފިޔާ، ހުނި، ހިކިމިރުސް، ކޮތަނބިރި، ކާފޫރުތޮޅި، މުގުކޮޅެއް ފެންފޮދެއް އަޅާލުމަށްފަހު މިކްސަރުން ފުނޑާލާށެވެ. އެއަށްފަހު ފުނޑި ހަވާދުގެ ތެރެއަށް ރީނދޫކޮޅެއް އަޅާލާށެވެ. ހިމުންކޮށް ފުނޑާލި ހަވާދުކޮޅު ތެއްޔަކަށް އަޅާލާށެވެ. އެއަށްފަހު އެއް ޖޯޑު ފެން ހަވާދުގެ ތެރެއަށް އަޅައި ރަނގަޅަށް ގިރާލާށެވެ. ދެން ޖޯޑެއްގެ ބޯކިރު ހަވާދު ފެނުގެތެރެއަށް އަޅާލައި، ރަނބާފަތް އަދި ރަހަލާ ވަރަށް ގިތެޔޮ މިރުހާއި ލޮނު އަޅާލުމަށްފަހު ރަނގަޅަށް ކައްކާލާށެވެ. ރިހަގަނޑު ރަނގަޅަށް ކެކެން ފެށުމުން ކޮށާފައި ހުރި މަސްކޮޅު އޭގެތެރެއަށް އަޅައިލާށެވެ. މަސްތައް ރޯފިލައި ރަނގަޅަށް ބޮކިޖަހަން ފެށުމުން ބޯކިރުފޮދެއް އަޅައިލުމަށްފަހު އުނދުން ނިވާލާށެވެ.