މޯލްޑިވް ގޭސްގެ ޑެޕިއުޓީ މެނޭޖިން ޑިރެކްޓަރު (ޑީއެމްޑީ)ގެ މަގާމުގައި ހުންނެވި މުހައްމަދު އަބްދުލްކަރީމް (ރުކުމާ) މަގާމުން އިސްތިއުފާ ދެއްވައިފި އެވެ.
ވީ ކިހިނެއް؟ - އެސްޓީއޯގެ ސަބްސިޑަރީ ކުންފުންޏެއްގެ ގޮތުގައި ހިންގާ ގޭސްގެ ޑީއެމްޑީގެ މަގާމުން އޭނާ އިސްތިއުފާ ދެއްވީ، އެނގިފައިވާ ގޮތުގައި، ސަރުކާރުގެ އެހެން ކުންފުންޏަކަށް ބަދަލުވުމަށެވެ.
ތަފްސީލް - މުހައްމަދު އަބްދުލްކަރީމް އިސްތިއުފާ ދެއްވީ މޯލްޑިވް ގޭހުގެ ހިންގުމުގެ މަސައްކަތްތަކަށް ބަދަލުތަކެއް ގެނައުމުގެ މަސައްކަތްތަކެއް ކުރަމުން އަންނާތީކަން ވެސް ވަނީ އެނގިފަ އެވެ.
މި ސަރުކާރުގައި މުހައްމަދު އަބްދުލްކަރީމް ފުރަތަމަ ހުންނެވީ ވެމްކޯގެ ޑީއެމްޑީގެ މަގާމުގަ އެވެ. އޭގެ ފަހުން ފެނަކައިގެ ޑީއެމްޑީގެ މަގާމަށް އައްޔަންކުރި އެވެ. މޯލްޑިވް ގޭހުގެ ޑީއެމްޑީއަކަށް އައްޔަންކުރީ މިދިޔަ ޖުލައި މަހު އެވެ.