އެޕަލްއިން ބާޒާރަށް ނެރުން ތައްޔާރުވަމުން އަންނަ "އައިފޯން ފޯލްޑް"އާ ވާދަކުރަން، ޗައިނާގެ އޮޕޯ ކުންފުނިން އާ ފަތްޖެހޭ ފޯނެއް ނެރެން ތައްޔާރުވަމުން އަންނަ ކަމަށް ރިޕޯޓްތައް ބުނެފިއެވެ. މިހާތަނަށް ބެލެވިފައި އޮތީ މި އަހަރު އޮޕޯއިން ނެރޭނީ ހަމައެކަނި "ފައިންޑް އެން6" މޮޑެލް ކަމަށް ނަމަވެސް، އެންމެ ފަހުގެ މައުލޫމާތުތައް ބުނާ ގޮތުން "ފައިންޑް އެން7"ގެ ނަމުގައި އިތުރު ފޯނެއް މި އަހަރުގެ ސެޕްޓެންބަރު މަހު ބާޒާރަށް ނެރޭނެއެވެ. މި ފޯނު ބާޒާރަށް ނެރެން ހަމަޖެހިފައިވަނީ އެޕަލްގެ ފުރަތަމަ ފަތްޖެހޭ ފޯނު ވެސް ނެރޭނެ ކަމަށް ބެލެވޭ ދުވަސްވަރު ކަމަށްވާއިރު، އޮޕޯގެ މި އާ ފޯނު ފަރުމާކޮށްފައިވަނީ އެޕަލްގެ ފަތްޖެހޭ ފޯނެކޭ އެއްގޮތަށް ފޮތެއްހެން ހުޅުވާލެވޭ ފުޅާ ޑިޒައިނަކަށް ކަމަށް ޚަބަރުތައް ބުނެއެވެ. "އޮޕޯ ފައިންޑް އެން6"އާ ގުޅޭގޮތުން މިހާތަނަށް ލިބިފައިވާ މައުލޫމާތަށް ބަލާއިރު، މި ފޯނުގައި 8.12 އިންޗީގެ 2ކޭ އެލްޓީޕީއޯ އޯލެޑް އެތެރެ ސްކްރީނަކާއި 6.62 އިންޗީގެ އޭއެމްއޯއެލްއީޑީ ކަވަރު ސްކްރީނެއް ހިމެނޭނެއެވެ. މި ފޯނުގެ ޕްރޮސެސަރަކަށް ބޭނުންކޮށްފައިވަނީ "ސްނެޕްޑްރެގަން 8 އެލީޓް ޖެން 5 ސޮކް" ކަމަށްވާއިރު، މިއީ ކުރީގެ މޮޑެލްއަށްވުރެ ބޮޑު ކުރިއެރުމެއް ކަމަށާއި މި ފޯނުގައި 16 ޖީބީގެ ރޭމް ހިމެނޭނެ ކަމަށް ވެސް ރިޕޯޓްތައް ބުނެއެވެ. މި ފޯނަކީ ކުރީގެ މޮޑެލްއަށްވުރެ 4 ގްރާމް ލުއި، 225 ގްރާމްގެ ފޯނެއް ---- ކެމެރާގެ ގޮތުން ބަލާއިރު، މި ފޯނުގައި 200 މެގަޕިކްސެލްގެ މައި ކެމެރާއެއްގެ އިތުރުން 50 މެގަޕިކްސެލްގެ ޓެލެފޮޓޯ ކެމެރާއަކާއި 50 މެގަޕިކްސެލްގެ އަލްޓްރާ-ވައިޑް ކެމެރާއެއް ހިމެނުމަކީ އެކަށީގެންވާ ކަމެކެވެ. ފޯނުގެ ބެޓެރީގެ ގޮތުގައި 6،000 މިލީއެމްޕަޔާގެ ބެޓެރީއެއް ހިމަނާފައިވާއިރު، މި ފޯނު 80ވޮޓްއިން ވަޔާޑްކޮށް އަދި 50ވޮޓް އިން ވަޔާލެސްކޮށް ޗާޖު ކުރެވޭނެ އިންތިޒާމު ހަމަޖެހިފައިވާނެއެވެ. މި ފޯނަކީ ކުރީގެ މޮޑެލްއަށްވުރެ ހަތަރު ގްރާމް ލުއި، 225 ގްރާމްގެ ފޯނެއް ކަމަށްވާއިރު، މިއީ ސެމްސަންގްގެ "ގެލެކްސީ ޒެޑް ފޯލްޑް 7" އަށްވުރެ ކުޑަކޮށް ބަރު ނަމަވެސް ގޫގުލްގެ ޕިކްސެލް 10 ޕްރޯ ފޯލްޑަށްވުރެ ވަރަށް ބޮޑަށް ލުއި ފޯނެކެވެ. މި އަހަރަކީ ފަތްޖެހޭ ފޯނުތަކުގެ ވާދަވެރިކަން ބޮޑުވާނެ އަހަރެއް ކަމަށް ބެލެވޭއިރު، އެޕަލްއާއި އޮޕޯގެ އިތުރުން ސެމްސަންގުން ވެސް އެ ކުންފުނީގެ އާ ފަތްޖެހޭ ފޯނުތައް ބާޒާރަށް ނެރެން ވަނީ ރާވާފައެވެ.