ކޮންޓްރެކްޓަރ ފައިނޭންސްގެ އުސޫލުން ކުރިއަށްގެންދާ މި މަޝްރޫޢު ހަވާލުކޮށްފައިވަނީ ޑިޒައިނިންގ އަދި އިންޖިނިއަރިންގ ދާއިރާގައި 30 އަހަރުގެ ތަޖުރިބާ ހުރި ކުންފުންޏެއް ކަމަށްވާ ޓީމް ވަން އިންޑިއާ ޕްރައިވެޓް ލިމިޓެޑާއެވެ. މި މަޝްރޫޢުގެ ދަށުން 14 ބުރީގެ 13 ޓަވަރު އިމާރާތް ކުރުމަށް ވަނީ ހަމަޖެހިފައެވެ. މި ތަންތަނުގައި ހިމެނޭނީ 900 އަކަފޫޓުގެ ޖާގަ ތަނަވަސް ތިން ކޮޓަރީގެ އެޕާޓްމެންޓުތަކެވެ.
ރަސްމިއްޔާތުގައި ވާހަކަފުޅު ދައްކަވަމުން އެޗްޑީސީގެ މެނޭޖިންގ ޑިރެކްޓަރ ޢަލީ ޒުހައިރު ވިދާޅުވީ، މިއީ ކުޅުދުއްފުށީގެ ރައްޔިތުން ބޯހިޔާވަހިކަން މިިލްކު ކުރުމަށް ކުރަމުން އައި އުންމީދުތައް ހަގީގަތަކަށް ވާނެ ދުވަސް ކަމަށެވެ.
ސަރުކާރުން ބުނިގޮތުގައި މި މަސައްކަތްތަކަކީ ކުޅުދުއްފުށީގެ ބޯހިޔާވަހިކަމުގެ މައްސަލައަށް ދާއިމީ ހައްލެއް ހޯދައިދިނުމަށް މިހާތަނަށް ހިންގޭ އެންމެ ބޮޑު މަޝްރޫޢެވެ.