ބ. ދަރަވަންދޫގެ ކަރަންޓް ފޯރުކޯށްދެމުންދާ އިންޖީނުގެ ތެރެއިން 250 ކިލޯވޮޓްގެ އިންޖީނަށް މެކޭނިކަލް މައްސަލައެއް ކުރިމަތިވެ، ޕީކް ގަޑިތަކުގައި ރަށުގެ އެކި ހިސާބުން ކަރަންޓް ކެނޑެމުންދާ މައްސަލައަށް ހައްލެއް ހޯދަމުން އަންނަ ކަމަށް ފެނެކަ އިން ބުނެފިއެވެ.
ފެނެކަ އިން ބުނީ، އެ ޖެނެރޭޓަރަަށް ދިމާވި މައްސަލައަކާއި ގުޅިގެން މިއަދު ހެނދުނުން ފަށައިގެން ދަރަވަންދޫގެ އެކި ހިސާބުތަކުން ކަރަންޓް ކެނޑެމުންދާއިރު، މިހާރު އެ ޖެނެރޭޓަރު މަރާމާތު ކުރުމުގެ މަސައްކަތްތައް އެ ކުންފުނީގެ އިންޖީނިއަރިންގ ޓީމަކުން ދަނީ ކުރެވެމުންނެވެ.
"އަދި ކަރަންޓް ހާލަތު އާއްމު ހާލަަތަކަށް ގެނެވެންދެން މަތީ ލޯޑް ނަގާ އިލެކްޓްރޯނިކް އާލާތްތައް ވީހާވެސް މަދުން ބޭނުން ކުރެއްވުމާއި، ކަރަންޓް ބޭނުން ކުރަމުންދާ މިންވަރު މަދު ކުރެއްވުމަށް މި ކުންފުނީގެ ފަރާތުން އިލްތިމާސް ކުރަމެވެ". މިއަދު އެ ކުންފުނިން ނެރުނު ބަޔާނެއްގައި ވެއެވެ.
މިފަދަ ކަންކަމުގައި ރައްޔިތުންގެ ފަރާތުން ލިބެންމުންދާ އެއްބާރުލުން ފެނެކަ އިން ވަނީ ފާހަގަކޮށްފައެވެ.