ނ. މަނަދޫގައި ކައިވެނި ހަލާލު ނޫން ދެ މީހަކު ބަދުއަހުލާގީ އަމަލު ހިންގި ކަމުގެ ތުހުމަތުގައި ހައްޔަރުކޮށްފި އެވެ.
ފުލުހުން ބުނީ އެ މައްސަލައިގައި ހައްޔަރު ކޮށްފައި ވަނީ 45 އަހަރުގެ ފިރިހެނަކާއި 28 އަހަރުގެ އަންހެނެއް ކަމަށެވެ. އަދި އެ ދެމީހުން ހައްޔަރު ކުރީ އިއްޔެގެ ވަގުތެއްގައި ކަމަށެވެ.
އެނގިފައިވާ ގޮތުގައި ބަދުއަހުލާގީ އަމަލު ހިންގައިގެން ހައްޔަރު ކޮށްފައިވާ ފިރިހެން މީހާއަކީ 28 އަހަރުގެ އަންހެން މީހާގެ ބޮޑުބޭބެ އެވެ. އަދި އެމައްސަލަ ބަލަން ފަށާފައިވަނީ އެ ދެ މީހުން އެކަހެރިކޮށް ތިއްބާ ރޭ ފަޅާ އެރުމުން ކަމަށްވެސް އެނގިފައިވެ އެވެ.