ފަރުވާ ނުނިމެނީސް ޖުމްހޫރީ ޕާޓީގެ ލީޑަރު ގާސިމް އިބްރާހިމް މާލެ ގެންނަން އުޅުމަކީ ކަނޑައެޅިގެން ގާސިމްގެ ބޭސްފަރުވާއަށް ހުރަސްއެޅުން ކަމަށް ޖުމްހޫރީ ޕާޓީގެ ނާއިބް ލީޑަރު އަމީން އިބްރާހިމް ވިދާޅުވެއްޖެއެވެ.
އަމީން މިހެން ވިދާޅުވީ ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ބޭސްފަރުވާގެ މުއްދަތު އިތުރުކޮށްދެވެން ނެތް ކަމަށާއި ރާއްޖެ ވަޑައިގަތުމަށް ކަރެކްޝަނުން އަންގާފައިވާ ކަމަށް މީޑިއާތަކުގައި ޚަބަރުފެތުރެމުންދާތީ، އެކަމާއި ކަންބޮޑުވުން ފާޅު ކުރައްވާ ކުރެއްވި ޓްވީޓެއްގައެވެ.
އަމީން ވިދާޅުވީ ގާސިމްގެ ބޭސްފަރުވާއަށް އެމަނިކުފާނު ބައްލަވާ ޑޮކްޓަރު ކަނޑައެޅުއްވި މުއްދަތު ނުދެއްވާ، ގާސިމަށް މަޖުބޫރު ފަރުވާ ނުނިމެނީސް އެމަނިކުފާނު މާލެ ގެނައުމަށް ސަރުކާރުން މަސައްކަތްކުރުމަކީ ކަނޑައެޅިގެން ގާސިމްގެ ބޭސްފަރުވާއަށް ހުރަސްއެޅުން ކަމަށެވެ.