ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ހިންގަމުންދާ ލީޑަރޝިޕް އެންހޭންސްމަންޓް ޕްރޮގްރާމްގެ ދަށުން ތަމްރީނު ލިބިފައިވާ މުވައްޒަފުންގެ އަދަދު 663 އަށް އަރައިފިއެވެ.
ސްޓެލްކޯގެ މެނޭޖިންގ ޑިރެކްޓަރ ޙުސައިން ފަހުމީ ސޯސަލްމީޑިއާގައި ކުރެއްވި ޕޯސްޓެއްގައި ބުނެފައިވަނީ އެންމެ ފަހުން ނިމިގެންދިޔަ 12 ވަނަ ބެޗްގައި ކ. ގިރިފުށީގައި ހުންނަ ސްޓެލްކޯގެ ޓްރެއިނިންގ ސެންޓަރުގައި އިތުރު 54 މުވައްޒަފުންނަށް ތަމްރީނު ދެވުނެވެ. މިއާއެކު، މުޅި ޕްރޮ މުޅި ޕްރޮގްރާމްގެ ދަށުން ތަމްރީނު ލިބިފައިވާ މުވައްޒަފުންގެ އަދަދު 663 އަށް އަރާފައިވާ ކަމަށް އޭނާ ހާމަކުރެއްވިއެވެ."އަޅުގަނޑުމެންގެ މުވައްޒަފުންނަށް ބާރުވެރިކަން ދިނުމާއި ޕްރޮފެޝަނަލް ފެންވަރު މަތިކުރުމަށް މަސައްކަތްކުރާތީ ފަޚުރުވެރިވަމެވެ!" މެނޭޖިންގ ޑިރެކްޓަރ ވިދާޅުވިއެވެ.ލީޑަރޝިޕް އެންހޭންސްް އެންހޭންސްމަންޓް ޕްރޮގްރާމަކީ ސްޓެލްކޯގެ މުވައްޒަފުންގެ ލީޑަރޝިޕް ހުނަރުތައް ތަރައްޤީކޮށް، އިސްނެގުމުގެ ޤާބިލުކަން އިތުރުކުރުމަށް އަމާޒުކޮށްގެން ހިންގާ ޕްރޮގްރާމެކެވެ. މި ޕްރޮގްރާމްގެ ސަބަބުން ކުންފުނީގެ މުވައްޒަފުންގެ މެދުގައި ޕްރޮފެޝަނަލިޒަމް އިތުރުވެ، މަސައްކަތުގެ ފެންވަރު މަތިވެގެންދާނެ ކަމަށް ބެލެވެއެވެ.ސްޓެލްކޯއިން މިފަދަ ތަމްރީނު ޕްރޮގްރާމްތައް ކުރިއަށް ގެންދިއުމަކީ ކުންފުނީގެ އިންސާނީ ވަސީލަތްތައް ތަރައްޤީކުރުމަށް ދެމުންގެންދާ އިސްކަމުގެ ހެއްކެކެވެ. މި ޕްރޮގްރާމްގެ ސަބަބުން ކުންފުނީގެ ޚިދުމަތުގެ ފެންވަރު މަތިވެ، ރައްޔިތުންނަށް ދެވޭ ޚިދުމަތް އިތުރަށް ރަނގަޅުވެގެންދާނެ ކަމަށް އުންމީދުކުރެވެއެވެ.