މުޖުތަމައުއަށް އެހީވުމަށް ބޭންކް
އޮފް މޯލްޑިވްސް (ބީއެމްއެލް) އިން ހިންގާ މަޝްރޫއުތަކުގެ ތެރެއިން މާލެ ސަރަހައްދުގެ ދެ ސްކޫލެއްގެ ސްޕެޝަލް އެޑިއުކޭޝަނަލް ނީޑްސް (ސެން) ނުވަތަ ހާއްސަ އެހީއަށް ބޭނުންވާ ދަރިވަރުންގެ ކްލާސްރޫމުތަކެއް މަރާމާތުކޮށްދީފި އެވެ.
ތަފްސީލް - ބޭންކުން ފޯރުކޮށްދިން އެހީތެރިކަމާ އެކު ސެން ކްލާސްރާމް މަރާމާތުކުރި ދެ ސްކޫލަކީ:
ހުޅުމާލޭގައި ހުންނަ ސަލާހުއްދީން ސްކޫލް
މާލޭގެ މާފަންނުގައި ހުންނަ ހިރިޔާ ސްކޫލް
ސެން ކްލާސްރޫމުތައް މަރާމާތުކޮށްދިނުމުގެ އިތުރަށް ބޭންކުން ވަނީ ދަރިވަރުންގެ ތައުލީމަށް ބޭނުންކުރާ ބައެއް ތަކެތި ވެސް ފޯރުކޮށްދީފަ އެވެ.
ބުނީ ކީކޭ؟ - "މި ކްލާސްރޫމްތަކަށް ހަދިޔާ ކުރެވެނު ތަކެއްޗަކީ ކުދިންގެ ގާބިލު ކަމާއި، އެހެން މިހުންނާއި ގުޅިގެން މުޖުތަމައުގައި ހަރަކާތްތެރި ވުމަށް ބޭނުންވާ ހުނަރު ތަރައްގީ ކުރުމާއި އެ ކުދިންގެ ތައުލީމީ ބޭނުންތައް ބަލައިގެން ހޯދާފައިވާ ވަސީލަތްތަކެކެވެ،" ބީއެމްއެލުން ބުންޏެވެ.
ބޭންކުން
ބުނި ގޮތުގައި އެ ދެ ސްކޫލްގެ ސެން ކްލާސްތަކުގައި ކިޔަވަމުންދާ 200
ވަރަކަށް ދަރިވަރުންނަށް ކިޔަވައިދިނުމަށް އިތުރު ލުއިފަސޭހަތަކެއް ދެން ލިބިގެންދާނެ އެވެ.
ފާހަގަކޮށްލެވޭ - އެކި ރަށްރަށުގެ 40 ސްކޫލެއްގެ ސެން ކްލާސްތަކަށް ބޭނުންވާ އާލާތްތައް ބޭންކުން ހަދިޔާކޮށްފައިވެ އެވެ. އޭގެ އިތުރުން:
މިފަހުން ބޭންކުން ވަނީ އިމާދުއްދީން ސްކޫލުގައި ތެރަޕީ ރޫމެއް ގާއިމުކުރުމަށް އެހީތެރިކަން ދީފައި
އަތޮޅުތެރޭގެ ސްކޫލުތަކުގެ ކޮންޕިއުޓާ ލެބް ތަރައްގީ ކުރުމަށް ވެސް ބޭނުންކުން އެހީތެރިކަން ފޯރުކޮށްދީފައިވޭ