އަންނަ މަހު ފެށޭ ސްކޫލް ބަންދާ ދިމާކޮށް، ވިލާ ޓްރަވަލްސް އިން އެޖެންޓްކަން ކުރާ މެލޭޝިޔާ އެއާލައިންގެ ޓިކެޓް ވަރަށް ބޮޑުތަން އަގުހެޔޮކޮށްފި އެވެ. ވިލާ ޓުރަވަލްސް އިން މިއަދު އާންމު ކުރި ބަޔާނެއްގައި ބުނީ ސްކޫލް ބަންދާ ދިމާކޮށް، މެލޭޝިޔާ އެއާލައިންގެ މާލެ، ކޭއެލްގެ ދެ ކޮޅު ޓިކެޓެއް ވިއްކާނީ 382 ޑޮލަރު (5،890.44 ރުފިޔާ) އަށް ކަމަށެވެ. އަދި ބެންކޮކް މާލޭގެ ދެކޮޅު ޓިކެޓެއް 378 ޑޮލަރު (5،828.76 ރުފިޔާ) އަށް ވިއްކާ އިރު އަދި ސިންގަޕޫރަށް ދެކޮޅު ޓިކެޓެއް 342 ޑޮލަރު (5،273.64 ރުފިޔާ އަށް ކުޑަކޮށްފައިވާ ކަމަށެވެ. ވިލާ ޓުރަވަލްސް އިން މެލޭޝިޔާގެ ދެކޮޅު ޓިކެޓެއް ކުރިން ވިއްކީ 456 ޑޮލަރަށެވެ. އަދި ބޭންކޮކަށް ދެކޮޅު ޓިކެޓެއް 449 ޑޮލަރަށެވެ. ސިންގަޕޫރު ދެކޮޅު ޓިކެޓެއް 489 ޑޮލަރަށެވެ. ވިލާ ޓުރަވަލްސް އިން ބުނީ އެ ތިން ޑެސްޓިނޭޝަންގެ އިތުރަށް ޗައިނާގެ ގުއަން ޒޯ އަށް ވިއްކާ ޓިކެޓް ވެސް ސްކޫލް ބަންދާ ދިމާކޮށް އަގުހެހޮޔޮކޮށްފައިވާ ކަމަށެވެ. ގުއަން ޒޯ އަށް ދެ ކޮޅު ޓިކެޓެއް ވިއްކާ އަގު ވަނީ 500 ޑޮލަރަށް ދައްކޮށްފަ އެވެ. ވިލާ ޓުރަވަލްސް އިން ބުނީ އެ ނޫން ބައެއް ޑެސްޓިނޭޝަންތަކަށް ވިއްކާ ޓިކެޓް ވެސް އަގުހެޔޮކޮށްފައިވާ ކަމަށެވެ. ސްކޫލް ބަންދު ފެށެނީ އަންނަ މަހު 4 ވަނަ ދުވަހުން ފެށިގެން ހަފްތާއަކަށެވެ.