އަންނަ
އަހަރުގެ ފީފާ ވޯލްޑް ކަޕް ފުޓުބޯޅަ މުބާރާތުގައި އިރާނާއި މިސްރުން ކުޅޭ
މެޗުތަކުގައި އެއްޖިންސުން ގުޅުން ހިންގުން ހުއްދަކުރާ "އެލްޖީބީޓީ"
ޕްރޮމޮޓުކުރުމަށް އެއްވެސް ހަރަކާތެއް ހިންގުމަށް ފުރުސަތު ނުދިނުމަށް އެ ދެ
ގައުމުން ދުނިޔޭގެ ފުޓުބޯޅައިގެ މައި އިދާރާ ފީފާގައި އެދިއްޖެ އެވެ.
ފީފާ
ވޯލްޑްކަޕް ފުޓުބޯޅަ މުބާރާތަކީ މުޅި ދުނިޔޭގައި ވެސް ބޭއްވޭ އެންމެ ޝަރަފުވެރި
އަދި އެންމެ އަގުބޮޑު މުބާރާތެވެ. މުޅި ދުނިޔޭގެ ހުރިހާ ބައްރަކުން ޓީމުތައް
ބައިވެރިވެގެން ކުޅޭ ކޮންމެ ހަތަރު އަހަރުން އެއް އަހަރު ބާއްވާ ހަމަ އެކަނި
މުބާރާތް ވެސް މެ އެވެ.
މީގެ
95 އަހަރު ކުރިން ބާއްވަން ފެށި މި މުބާރާތުގެ 48 ވަނަ އެޑިޝަން އަންނަ އަހަރުގެ
ޖޫން މަހުގެ 11 ވަނަ ދުވަހު ފެށުމަށް ތައްޔާރުވަމުން އަންނައިރު، މި މުބާރާތަކީ މުޅި
ދުނިޔެ ވެސް ގަބޫލުކުރާ ފެންވަރުގެ މުބާރާތަކަށް ހެދުމަށް ފީފާއިންނާއި
މުބާރާތުގައި ވާދަކުރާ ގައުމުތަކަކުން ވެސް ބޭނުންވެ އެވެ.
ކަންމިހެން އޮތް ނަމަވެސް
އިންސާނީ ހައްގުގެ ނަމުގައި ބައެއް ގައުމުތައް ހިމެނޭހެން
އުފައްދާފައިވާ ލެސްބިއަން، ގޭ، ބައިސެކްޝަލް އަދި ޓްރާންސްޖެންޑަރ (އެލްޖީބީޓީ+) ގެ ހަރަކާތްތައް މިފަދަ
މމުބާރާތްތަކާއި ދިމާކޮށް ޕްރޮމޯޓު ކުރުމަށް އަންނަނީ މަސައްކަތްކެއް
ކުރަމުންނެވެ.
އިންސާނީ ހައްގެއްގެގޮތުގައި އެލްޖީބީޓީ+ ކުރިއަރުވާ ގައުމުތައް ދުނިޔޭގައި ގިނަވަމުން އަންނައިރު،
މި ހަރަކާޓް އެންމެ
ބޮޑަށް ޕްރޮމޯޓުކުރުމަށް މަސައްކަތް ކުރަމުން ގެންދަނީ މުޅި ދުނިޔެ ސާމިލްވާ ބޮޑެތި
އިވެންޓު ތަކުގައި އެވެ. އެގޮތުން ފީފާ ވޯލްޑް ކަޕް ފުޓުބޯޅަ މުބާރަތަކީ އެފަދަ
މީހުންގެ އަމާޒަކަށް ވަނީ ވެފަ އެވެ. އެގޮތުން އަންްނަ އަހަރު އެމެރިކާ، ކެނެޑާ
އަދި މެކްސިކޯގައި ބޭއްވުމަށް ތައްޔާރުވަމުން އަންނަ ވޯލްޑް ކަޕް ފުޓުބޯޅަ
މުބާރާތުގައި ވެސް އެލްޖީބީޓީ ހަރަކާތް ޕްރޮމޮޓުކުރުމަށް ދުރާލައި އަންނަނީ
ތައްޔާރުވަމުންނެވެ.
މިކަމާއި
ގުޅިގެން އިރާން އަދި މިސްރުގެ އިސް އޮފިޝަލުންތަކެއް އިސްނަގައިގެން މިފަދަ
އަމަލުތައް ހުއްޓުވުމަށް އަންނަނީ މަސައްކަތް ތަކެއް ކުރަމުންނެވެ. އެ ދެ ގައުމުން ވަނީ މިކަން ހުއްޓުވައިދިނުމަށް އެދި ފީފާއަށް ސިޓީއެއް ވެސް ފޮނުވާފައި
އެވެ.
އިރާން
އަދި މިސްރުން ފީފާއަށް ފޮނުވި ސިޓީގައި ބުނީ އަންނަ އަހަރު އެމެރިކާ، ކެނެޑާ އަދި
މެކްސިކޯގައި އޮންނަ ވޯލްޑް ކަޕް ފުޓުބޯޅަ މުބާރާތަކީ މުޅި ދުނިޔޭގެ ހުރިހާ
ކަންކޮޅު ތަކަކުން ވެސް ބައިވެރިވާ ދުނިޔޭގެ އެންމެ ބޮޑު ފުޓުބޯޅަ ފެސްޓިވަލް ކަމަށާއި
އަދި އެފަދަ މުބާރާތެއްގެ ތެރެއިން އެއްޖިންސުން ގުޅުން ހިންގުން ހުއްދަކުރާ
"އެލްޖީބީޓީ" ހަރަކާތް ޕްރޮމޯޓް ކުރުމަށް ފުރުސަތު ދިނުމަކީ
ބަލައިގަނެވޭނޭ ކަމެއް ނޫން ކަމަށެވެ.
އެހެން
ކަމުން މި މުބާރާތުގައި އިރާން އާއި މިސްރުން ކުޅޭ މެޗުތަކުގައި މެޗުތައް ބަލަން ދަނޑަށް
ވަންނަ ސަޕޯޓަރުންނަށް އެ ހަރަކާތް ޕްރޮމޯޓު ކުރުމުގެ ފުރުސަތު ނުދިނުމަށް ފީފާ
އަށް ފޮނުވި ސިޓީގައި ވަނީ އެދިފައި އެވެ.
އަދި
އެ ދެގައުމުން ކުޅޭ މެޗުތަކުގެ އިތުރުން އެހެން މެޗުތައް ކުރިޔަށްދާ އިރުވެސް
އެފަދަ ހަރަކާތްތައް ޕްރޮމޯޓު ކުރުމުގެ ފުރުސަތު ސަޕޯޓަރުންނަށް ނުދިނުމަށް ވެސް ސިޓީގައި
އެދިފައި ވެ އެވެ.
ވޯލްޑް
ކަޕްގައި އިރާން އާއި މިސްރުން ކުޅޭ މެޗުތަކުގައި އެލްޖީބީޓީ ހަރަކާތް ޕްރޮމޯޓު
ކުރުމަށް ފުރުސަތު ނުދިނުމަށް އެދި އެ ދެގައުމުން ފީފާއަށް ގޮވާލާފައިވާއިރު،
އެންމެ ފަހުން 2022 ވަނަ އަހަރު ގަތަރުގައި ބޭއްވުނު މުބާރާތުގައި ވެސް އެލްޖީބީޓީ
ޕްރޮމޯޓުކުރުމަށް އެއްވެސް ހަރަކާތެއް ކުރިޔަށް ގެންދިއުން ވަނީ މަނާކޮށްފައި
އެވެ.