ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހުގެ މި ސަރުކާރުން ވެފައިވާ ވައުދުތަކުގެ 99 ޕަސެންޓް ފުއްދާފައިވާ ކަމަށް ވެރިކަން ހިންގާ ކޯލިޝަނުގައި ހިމެނޭ ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމް ވިދާޅުވެއްޖެ އެވެ.
ގާސިމު އެހެން ވިދާޅުވީ، ރައްޔިތުންގެ މަޖިލީހުގެ މިއަދުގެ ޖަލްސާގައި ސަރުކާރުން ވެފައިވާ ވައުދުތަކުގެ ތެރެއިން ފުއްދިފައިވަނީ ކިހާ މިންވަރެއްތޯ ފިޝަރީޒް މިނިސްޓަރު ޑރ. ހުސެއިން ރަޝީދު ހަސަންއާ ބައެއް މެންބަރުން ސުވާލުކުރުމުން އުފެދުނު ބަހުސްގެ ތެރެއިން ނިޒާމީ ނުކުތާއެއް ނަންގަވައި ވާހަކަދައްކަވަމުންނެވެ.