އިކޮނޮމިކް މިނިސްޓްރީގެ ސްޓޭޓް މިނިސްޓަރަކަށް ރައީސް ޑރ މުހައްމަދު މުއިއްޒު، އިސްމާއިލް ޒަބީހު އައްޔަން ކުރައްވައިފި އެވެ.
އޭނާ ސްޓޭޓް މިނިސްޓަރު ކަމަށް އައްޔަންކޮށްފައިވަނީ މި މަހުގެ 17 ވަނަ ދުވަހުއެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ހަޔާ އެޑިއުކޭޝަންގެ ޑެޕިއުޓީ މިނިސްޓަރުކަން ކުރި ޒަބީހު އެ މަގާމުން ވަކި ކުރީ މިދިޔަ އަހަރުގެ ޖޫން މަހުގެ ތެރޭގަ އެވެ. ޒަބީހު އޭރު. ބުނި ގޮތުގައި އޭނާ ވަކިކުރީ ކޮން ސަބަބަކާހެދި ކަމެއް އަންގާފަ އެއް ނުވެ އެވެ.
ރައީސް އޮފީހުގެ ސީނިއާ ރިސާޗް އޮފިސަރުގެ މަގާމާއި، އެމްކިއުއޭގެ ބޯޑު މެމްބަރުކަމާއި އަދި ޗާޓަޑް އެކައުންޓެންޓްސް އޮފް މޯލްޑިވްސްގެ އެކެޑެމިކް ކޮމިޓީގެ މެންބަރުކަންވެސް ޒަބީހު ވަނީ ކޮށްފައެވެ.
އޭނާ އަކީ މިދިޔަ ރިޔާސީ އިންތިހާބުގައި އަމިއްލަ ގޮތުން ވާދަކުރި  ފާރިސް މައުމޫންގެ އިންތިހާބީ އެޖެންޓެވެ.
ދެވަނަ ބުރުގައި ޒަބީހު ވަނީ ރައީސް ޑރ މުހައްމަދު މުއިއްޒަށް ތާއިދުކޮށްފަ އެވެ.