ވެލާނާ އިންޓަނޭޝަނަލް އެއާޕޯޓަށް ފުރަން ދިޔަ މީހެއްގެ އަތުން ވަޒަންތަކެއް ފެނިއްޖެ އެވެ.ފުލުހުން ބުނި ގޮތުގައި ވަޒަންތައް ފެނުނީ ރޭ ވީއައިއޭ އިން ފުރަން ދިޔަ ބިދޭސީއެއްގެ އަތުންނެވެ. ނަމަވެސް އެއީ ކޮން ގައުމެއްގެ މީހެއް ކަމެއް ފުލުހުން ނުބުނެ އެވެ.މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެނައި މީހާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ހަ ދުވަހަށް ބަންދުކުރުމަށް އަމުރުކޮށްފައިވާ ކަމަށްވެސް ފުލުހުން ވަނީ ބުނެފަ އެވެ. އެ މައްސަލަ ތަހުގީގުކުރަމުން އަންނާތީ އެ ބިދޭސީ މީހާއާ ގުޅޭ އިތުރު އެއްވެސް މައުލޫމާތެއް އަދި ހާމައެއް ނުކުރެ އެވެ.ވަޒަން ފެނިގެން މީގެ ކުރިން ވެސް ބައެއް މީހުން ހައްޔަރުކޮށް، މައްސަލަތަކުގައި ދައުވާ އުފުލާފައިވެ އެވެ.