1438 ވަނަ އަހަރުގެ އަޟްހާ އީދު ފާހަގަކުރުމުގެ ގޮތުން ވިލިމާލެ ޕީސް ފައުންޑޭޝަންގެ ފަރާތުން ކުރިއަށްގެންދާ އާއިލީ ހަވީރު މިއަދު އޮންނާނެއެވެ.ޕެބަލްސް ނަމުގައި ކުރިއަށްގެންދާ މިއާއިލީ ހަވީރާއި ގުޅޭގޮތުން ދިއިސްލާމަށް މައުލޫމާތު ދެއްވަމުން ޕީސް ފައުންޑޭޝަންގެ ޖެނެރަލް ސެކްރެޓަރީ މުހައްމަދު ޞަބާހް ވިދާޅުވީ މިއަދު ކުރިއަށް ގެންދިޔުމަށް ހަމަޖެހިފައިވާ އާއިލީ ހަވީރުގެ އެންމެ ފަހުގެ ތައްޔާރީތައް ނިމިފައިވާ ކަމަށެވެ.ޞަބާހް ވިދާޅުވީ އާއިލާއާއެކު ޢީދުގެ އުފާވެރި ވަގުތުކޮޅެއް މިއާއިލީ ހަވީރުގެ ތެރެއިން ލިބިގެންދާނެ ކަމަށާއި ކުޑަކުދިން ގަޔާވާނެ ތަފާތު ކުޅިވަރުތަކެއް މިހަރަކާތުގައި ހިމަނާފައިވާނެ ކަމަށެވެ.ޕެބަލްސް އާއިލީ ހަވީރަށް ތައްޔާރުވުމުގެ މަސައްކަތްކުރަނީ / ފޮޓޯ ޕީސް ފައުންޑޭޝަންމިހަރަކާތުގައި ވޯޓަރ ސްލައިޑަރއަކާއި ތީރު އުކުން، ފުޓްބޯޅައާއި ގޮލްފް ކުޅުންފަދަ ތަފާތު ގިނަ ހަރަކާތްތަކުގެ އިތުރުން މަދަހަ ކިޔުންފަދަ ސްޓޭޖް ހަރަކާތްތައްވެސް ކުރިއަށްދާނެ ކަމަށް ޕީސް ފައުންޑޭޝަންއިން މައުލޫމާތު ދެއެވެ.ޞަބާހް އިތުރަށް ވިދާޅުވީ މިހަރަކާތަށް އަންނަ ކޮންމެ ކުއްޖަކަށްވެސް ހަދިޔާއެއް ލިބިގެންދާނެ ކަމަށާއި ބައިވެރިވާ ކުޅިވަރުތައް އިތުރުވާ ވަރަކަށް ގިނަ ހަދިޔާތައް ލިބިގެންދާނެ ކަމަށެވެ.ޕެބަލްސް އާއިލީ ހަވީރަށް ތައްޔާރުވުމުގެ މަސައްކަތްކުރަނީ / ފޮޓޯ ޕީސް ފައުންޑޭޝަންމިހަރަކާތް ކުރިއަށްދާނީ މިއަދު ހަވީރު 4:00 ން 6:00 އަށް ވިލިމާލެ ބޯޅަ ދަނޑުގައެވެ.މިހަރަކާތުގެ މެއިން ސްޕޮންސަރައަކީ މޯލްޑިވްސް އިސްލާމިކް ބޭންކްއެވެ. ކޯސްޕޮންސަރުންނަކީ ތިލަފުށި ކޯޕަރޭޝަން، ސޮނީ ސްޕޯޓްސް، އަލްޝާލީ މެރިން، އައިކެއަރ އަދި އާރުސީސީއެވެ. އިވެންޓް ޕާޓުނަރުންނަކީ އެމްއެންޑީއެފް، މޯލްޑިވްސް ޕޮލިސް ސަރވިސް، ކިންޑަރ ޕްރިސްކޫލް އަދި ވިލިމާލެ ޕްރިސްކޫލެވެ.