ރިޔާސީ އިންތިޚާބު ބާތިލްކޮށްދިނުމަށް އެދި ރައީސުލްޖުމްހޫރިއްޔާ އަބްދުﷲ ޔާމީން އަބްދުލްޤައްޔޫމް ސުޕްރީމް ކޯޓަށް ހުށަހެޅުއްވި ދުސްތޫރީ މައްސަލައިގެ އަޑުއެހުން މިއަދު މެންދުރުފަހު 1:00އަށް ވަނީ ތާވަލުކޮށްފައެވެ. އަޑުއެހުމަށް ވަނުމަށް މިއަދު ހެނދުނުން ފެށިގެން މީހުން ވަނީ ކިޔޫގައި ޖެހެން ފަށައިފައެވެ.
އެ މައްސަލައިގެ އަޑުއެހުމަށް އިދިކޮޅު ޕާޓީތަކުގެ ބައެއް އިސް ބޭފުޅުންނާއި ޕީޕީއެމްގެ ބައެއް އިސް ބޭފުޅުން ވަނީ ވަދެފައެވެ. ސުޕްރީމް ކޯޓަށް އެއްވެފައި ތިބި ގުޅިފައިވާ ޕާޓީތަކުގެ ސަޕޯޓަރުންނާއި ޕީޕީއެމްގެ ސަޕޯޓަރުންނާ ދެމެދު ހަމަނުޖެހުން ހިންގަން ފެށުމުން ފުލުހުން ވަނީ އެމީހުން ވަކި ހިސާބަކަށް ފަހަތަށް ޖައްސައި، ބެރިކޭޑް ފަހަތުގައި ބައިތިއްބައިފައެވެ.
އެ މައްސަލައިގައި ސުޕްރީމް ކޯޓުން ނިންމާ ނިންމުމަށް ހުރިހާ ރައްޔިތުން ވެސް ތިބީ އިންތިޒާރުގައެވެ.