ދަނގެތި ދާއިރާގެ ރައްޔިތުންގެ މަޖިލީހުގެ މެމްބަރު އިލްހާމް އަޙްމަދަށް ބަޔަކު މިއަދު ހަމަލާދީފިއެވެ.އިލްހާމް ވިދާޅުވީ، މިއަދު ހެނދުނު 10:40 ހާއިރު މާފަންނު ފަލާހު ޕްރީ ސްކޫލް ކައިރިން 3 އަހަރުގެ އަންހެން ދަރިފުޅު ގޮވައިގެން ސައިކަލުގައި ވަޑައިގަންނަވަނިކޮށް، އެސަރަހައްދުގައި ހުރި ހޮޓަލަކުން 5 މީހަކު ނިކުމެ އިލްހާމަށް ހަމަލާދީފައިވާ ކަމަށެވެ. އަދި އޭނާގެ ދަރިފުޅަށްވެސް ހަމަލާދީފައިވާކަމަށް އިލްހާމް ވިދާޅުވިއެވެ.ފުލުހުން އަންނަނީ މި މައްސަލަ އިތުރަށް ތަޙްޤީގް ކުރައްވަމުންނެވެ. އޭނާގެ އަންހެން ދަރިފުޅަށް ހަމަލާދިން މައްސަލަ ޖެންޑަރ މިނިސްޓްރީން ވެސް ބައްލަވަން ޖެހޭނެކަމަށް މެމްބަރު އިލްހާމް ވިދާޅުވިއެވެ.