އަޟްހާ އީދު ދުވަހާ ގުޅިގެން މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ހިދުމަތްތައް ދިނުމުގައި ބަދަލުތަކެއް ގެނެސްފިއެވެ.
އެމްޕީއެލް އިން ނެރުނު އިއުލާނުގައި ވާގޮތުން، 1447 ވަނަ އަހަރުގެ ބަރަކާތްތެރި ޙައްޖު ދުވަހާއި، އަޟްހާ އީދު ދުވަހާ ގުޅިގެން މާލޭ ވިޔަފާރި ބަނދަރާއި ހުޅުމާލެ އިންޓަރނޭޝަނަލް ޓާމިނަލުން ދެމުންގެންދާ ހިދުމަތްތައް، ޙައްޖު ދުވަހާއި އީދު ދުވަހު ވަގުތީ ގޮތުން މެދުކަނޑައިލާނެއެވެ.
އެ ކުންފުނީގެ ހިދުމަތްތައް ދެން ފޯރުކޮށްދޭން ފަށަނީ 28 މެއި 2026 ވާ ބުރާސްފަތި ދުވަހުގެ ހެނދުނު 07:30 އިން ފެށިގެން ކަމަށް އެމްޕީއެލް އިން މައުލޫމާތު ދީފައިވެއެވެ.
އެމްޕީއެލް އިން ވަނީ، ޙައްޖު ދުވަހާއި އަޟްހާ އީދު ދުވަހުގެ ހެޔޮ އެދުމާއި ތަހުނިޔާ ތިޔަ އެންމެހާ ފަރާތްތަކަށް އަރިސްކޮށްފައެވެ.