ސްޕެނިޝް ކަޕުގެ ސެމީފައިނަލުގެ ދެވަނަަ ލެގުގައި އެތުލެޓިކޯ މެޑްރިޑު ބަލިކުރި ނަމަވެސް ބާސެލޯނާއަށް މުބާރާތް ނިމިއްޖެއެވެ. އަމިއްލަ ދަނޑުގައި ކުޅުނު ދެވަނަ ލެގު ބާސެލޯނާ ކާމިޔާބުކޮށްފައިވަނީ 3-0 ގެ ނަތީޖާއަކުންނެވެ. ނަމަވެސް ފުރަތަމަ ލެގުގައި ޖެހި ހަތަރު ލަނޑާއެކު އެގްރިގޭޓު ނަތީޖާ 4-3 ގެ ނަތީޖާއަކުން ކުރިހޯދައިގެން ފައިނަލަށް ދަތުރުކުރީ އެތުލެޓިކޯ މެޑްރިޑެވެ. މެޗު ވަރުގަދަކޮށް ފެށީ ބާސެލޯނާއިންނެވެ. އެގޮތުން މެޗުގެ 29 ވަނަަ މިނެޓުގައި ލަމީން ޔަމާލް ތަނަވަސްކޮށްދިން ފުރުސަތަކުން ބާސެލޯނާއަށް ލީޑު ނަގައިދިނީ މާކް ބަނާާލްއެވެ. އޭގެފަހުންވެސް ބާސެލޯނާއަށް ލަނޑުޖަހާނެ އިތުރު ފުރުސަތުތަކެއް ލިބިގެންދިޔައެވެ. ނަތީޖާއެއްގެ ގޮތުން ފުރަތަމަ ހާފުގެ އިތުރުވަގުތުގައި އިތުރު ލަނޑެއް ޖެހިއެވެ. މިއީ އޭރިއާ ތެރެއިން ކުރި ފައުލަކާ ގުޅިގެން ލިބުނު ޕެނަލްޓީއަކުން ރަފީނިއާ ކާމިޔާބުކުރި ލަނޑެކެވެ. މިއީ ބާސެލޯނާގެ ޕެޑްރީއަށް އޭރިއާތެރެއިން އެތުލެޓިކޯގެ ކްލެމެން ލޯންގްލޭ ކުރި ފައުލަކާ ގުޅިގެން ލިބުނު ޕެނަލްޓީއަކުން ޖެހި ލަނޑެކެވެ. ބާސެލޯނާގެ ތިންވަނަ ލަނޑު މެޗުގެ 72 ވަނަ މިނެޓުގައި ޖެހީވެސް ބާނާލް އެވެ. ކަންސޭލޯ ނެގި ހުރަހަކަށް އަރައި ބާނާލް ޖެހި ލަނޑެކެވެ. މި މޮޅާއެކު މުބާރާތުގެ ފައިނަލުގައި އެތުލެޓިކޯ ބައްދަލުކުރާނީ ރެއާލް ސޮސިއެޑާޑް އާއި އެތުލެޓިކް ބިލްބާއޯ ބައްދަލުކުރާ ސެމީފައިނަލުގެ ދެވަނަ މެޗުން މޮޅުވާ ޓީމަކާއެވެ.