މިއީ 1979 ވަނަ އަހަރަށް ފަހު ރަނާއި ރިހީގެ އަގު އެންމެ ބޮޑަށް އުފުލުނު އަހަރެވެ.
އެމެރިކާގައި ރަން އައުންސެއްގެ އަގު 4,500 އެމެރިކާ ޑޮލަރަށްވުރެ މައްޗަށް އަރާފައި ވާއިރު، ރިހީގެ އަގު ވަނީ ތާރީހީ އެންމެ މަތީ މިންވަރަށް އުފުލިފައެވެ.
އެމެރިކާގެ ބާޒާރުގައި އިއްޔެ ރަނުގެ އަގު 0.8 ޕަސެންޓު މައްޗަށް މައްޗަށް ދިޔައިއިރު، މިއީ ވިދިވިދިގެން އަގު އުފުލުނު ހަތަރު ވަނަ ދުވަހެވެ.
އަހަރުގެ ފެށުނުއިރު ރަން އައުންސެއް ހުރީ ގާތްގަނޑަކަށް 2,640 ޑޮލަރަށެވެ. ޖޭ.ޕީ މޯގަން ޗޭސްގެ އެނަލިސްޓުން ލަފާކުރާ ގޮތުގައި، 2026 ވަނަ އަހަރު ރަނުގެ އަގު 5,000 ޑޮލަރަށްވުރެ މައްޗަށް އަރާނެ އެވެ.
މި އަހަރުގެ ތެރޭގައި ރަނުގެ އަގު 70 އިންސައްތަ އުފުލިފައިވާއިރު، ރިހީގެ އަގު ދެގުނައަށްވުރެ ބޮޑުވި އެވެ.
ވެނެޒުއޭލާއިން ތެޔޮ އުފުލާ ޓޭންކަރުތައް އެމެރިކާއިން ހިފެހެއްޓުމާ ގުޅިގެން އުފެދުނު ނުތަނަވަސްކަމުގެ ސަބަބުން، ރައްކާތެރި އިންވެސްޓްމަންޓެއްގެ ގޮތުގައި ރަނަށް އޮތް ޑިމާންޑް ވަނީ އިތުރުވެފައެވެ.