އެންޓި ކޮރަޕްޝަން ކޮމިޝަން (އޭސީސީ)އަށް އައްޔަންކުރަން ރައީސް މިއަދު ފޮނުއްވި ދެ ބޭފުޅަކަށް، ރައްޔިތުންގެ މަޖިލީހުން ރުހުންދީފިއެވެ.
ދައުރުން ބޭރުން މިއަދު ބޭއްވި ޖަލްސާގައި އިއްވި ރައީސްގެ ސިޓީގައި ވަނީ ކުރިން އެމަނިކުފާނު އިސްކަންދެއްވި އެއް ނަމަށް ބަދަލުގެންނަވާފައެވެ. އޭސީސީއަށް އައްޔަންކުރަން ރައީސް މިއަދު ފޮނުއްވި ދެ ނަމަކީ އަހުމަދު ނާޝިދު، މއ. ގޯލްޑަން މޫން އާއި އަބްދުﷲ ނާޝިދު، ފަސާނާ/ރ. އަލިފުށި އެވެ.
މިނިވަން މުއައްސަސާތަކުގެ ކޮމިޓީން ފާސްކުރި ގޮތަށް ވޯޓަށް އެހުމުން އެ ދެ ބޭފުޅުންގެ ނަން ފާސްވީ ހާޒިރުވި 68 މެންބަރުންގެ އިއްތިފާގުންނެވެ.