ދަ ޑިމޮކްރެޓްސްގެ ހުސްވެފައިވާ ރައީސް އާއި ނައިބު ރައީސްގެ މަގާމަށް ކުރިމަތިލާން ހުޅުވާލައި، އަންނަ މަހު އިންތިހާބު ބާއްވަން އެ ޕާޓީން ނިންމައިފި އެވެ.
ވީ ކިހިނެއް؟ - ޑިމޮކްރެޓްސްގެ ރައީސްއަކަށް ހުންނެވި ހަސަން ލަތީފް އާއި ނައިބު ރައީސް މުހައްމަދު ޝިފާޒު ވަނީ މަގާމުން އިސްތިއުފާ ދެއްވުމަށް ފަހު، އެމްޑީޕީއާ ގުޅިވަޑައިގެންފަ އެވެ. 
ތަފްސީލު - ޑިމޮކްރެޓްސްއިން ނެރުނު އިއުލާންގައިވާ ގޮތުން އެ ދެ މަގާމަށް ކުރިމަތިލާން ހުޅުވާލީ މިއަދުން ފެށިގެން އަންނަ ބުރާސްފަތި ދުވަހުގެ މެންދުރު 12:00 އަށެވެ.
އިންތިހާބު އޮންނާނީ އަންނަ މަހު 15ގަ އެވެ. އިންތިހާބުގައި ވޯޓު ލެވޭނެ މީހުންގެ ލިސްޓު ބުރާސްފަތި ދުވަހު އާންމުކޮށް، ޝަކުވާއަށް ހުޅުވާލާނެ ކަމަށް ވެސް އިއުލާންގައި ބުންޏެވެ. އެ ލިސްޓަށް ޝަކުވާ ހުށަހެޅުމުގެ ސުންގަޑިއަކީ، އަންނަ ހޮނިހިރު ދުވަހުގެ މެންދުރު 12:00 އެވެ.