ވާރޭވެހުމުގެ ސަބަބުން ފެން ބޮޑުވާ މަގުތަށް މަރާމާތު ކުރަން މާލެ ސިޓީ ކައުންސިލް އިން ފަށައިފި އެވެ.
މާލެ ސިޓީ ކައުންސިލުން އެކްސްގައި ކުރި ޕޯސްޓެއްގައި ބުނީ، މާލޭގެ މަގުތަކުގެ ހާލަތު ދެނެގަނެ، ކުރިމަތިވާ މައްސަލަތައް ހަލުކުރުމަށް މިހާރު ވަނީ ސާވޭއެއް ކޮށްފައިކަމަށެވެ. އަދި އެ ސާވޭގެ ދަށުން، އެންމެ ފެންބޮޑުވާ މަގުތައް މަރާމާތު ކުރަން ފަށާފައިވާ ކަމަށް މާލެ ސިޓީ ކައުންސިލުން ބުނެފައިވެއެވެ.
މިގޮތަށް ފެންބޮޑުވާ މަގުތަށް ފާހަގަކުރެވި މިހާރު މަރާމާތު ކުރަން ފަށާފައި ވަނީ ޗާންދަނީ މަގު، މަޖީދީ މަގު އަދި ރަށްދެބައި މަގެވެ.
ސިޓީ ކައުންސިލުން ބުނީ މި މަސައްކަތް ނިމޭއިރު އެ ހިސާބުގައި ހިނގާ އަދި އުޅަނދު ދުއްވާ މީހުންނަށް، ފެންބޮޑުވުމުގެ ސަބަބުން ކުރިމަތިވާ އުނދަގޫތަކަށް ހައްލު ލިބިގެންދާނެކަމަށެވެ.