އިންޑިއާގެ ބިހާރުގެ ބެޓިއާއަށް ނިސްބަތްވާ އަންހެން ކުއްޖަކު އޭނާގެ ލޯބިވެރިޔާއާ ބައްދަލުކުރުމަށް އޭނާ ދިރިއުޅޭ ރަށުން އެއްކޮށް ކަރަންޓު ކަނޑާލައެވެ. ޕްރިތީ ނަމަކަށް ކިޔާ އަންހެން ކުއްޖާ އޭނާގެ ލޯބިވެރިޔާއާ ބައްދަލުކުރަން ބޭނުންވާ ކޮންމެ ފަހަރަކުވެސް ކަންތައް ކުރަނީ އެގޮތަށެވެ.
ޕްރިތީ ކުމާރީއާއި ރާޖްކުމާރު ގެ ލޯބީގެ ކަންތަކާއި ގުޅިގެން ދެ އަވަށުގެ މީހުންގެ މެދުގައި ވަނީ ނުތަނަވަސްކަން އުފެދިފައެވެ. އެގޮތުން ކޮންމެ ރެޔަކުވެސް ވަކި ވަގުތަކު ކަރަންޓު ކެނޑިގެންދެއެވެ.
ކޮންމެ ރެޔަކުވެސް ލޯބިވެރިޔާއާ ބައްދަލުކުރުމަށް ޕްރިތީ މުޅި އަވަށުން ކަރަންޓު ކަނޑާލުމާއި ގުޅިގެން ވައްކަމުގެ މައްސަލަތަކެއް ފެންމަތިވާން ފެށިއެވެ. އެއީ ވައްކަން ކުރުމަށް ބަޔަކު ކުރާ ކަމެއްކަން އަވަށު މީހުންނަށް ކުރިން ހީވެފައި އޮތް ނަމަވެސް ކަމުގެ ހަގީގަތް އެނގުމުން އަވަށު މީހުން ހައިރާންވިއެވެ.
ކަރަންޓް ކެނޑޭ މައްސަލައާ ގުޅިގެން އެކަން މެދުވެރިވާ ސަބަބު ދެނެގަތުމަށް އަވަށު މީހުން މަސައްކަތް ފެށިއެވެ. އަދި އެގޮތަށް ކަރަންޓު ކަނޑާލި ރެއެއްގައި އަވަށު މީހުން ވަނީ ރާޖްކުމާރާއި ޕްރިތީ އެކީގައި ހިފަހައްޓައި އެމީހުންގެ ސިއްރު ފަޅާއަރުވާލާފައެވެ.
އަދި ޕްރިތީގެ އަވަށުގެ މީހުން ވަނީ ރާޖްކުމާރު ގައިގައި ތަޅައި އަނިޔާކޮށްފައެވެ. އެކަމާއި ގުޅިގެން ރާޖްކުމާރު ވަނީ އޭނާގެ ގޭންގުގެ މީހުންނަށް ގުޅައި އެމީހުން ގެނެސް އެ އަވަށުގެ މީހުންނަށް ހަމަލާދީފައެވެ.
އަދި އޭގެ ފަހުން އެ އަވަށުގެ މީހުން ވަނީ އެދެމީހުން ކައިވެނި ކުރުމަށް ލަފާދީފައެވެ. އަދި އެދެމީހުންގެ ކައިވެނީގެ ހަފްލާއެއް ބާއްވައި ދެމީހުންގެ ކައިވެނީގެ ހުރިހާ ކަމެއްގައި ދެ އަވަށުގެ މީހުން ވަނީ އެހީތެރިވެފައެވެ.
Your email address will not be published. Required fields are marked *
Comment *
Name
Email
Website
© 2023 Gaafu Media Group Pvt Ltd. All rights reserved.