ރަައީސް މައުމޫން ދެންމެ ވިދާޅުވީ މިހާރު ގެއަށް ވަޑައިގެންފައިވާ ކަމަށާ ހޮސްޕިޓަލުން ވަޑައިގެންނެވީ ބައްލަވަން ޖެހޭ ހުރިހާ ކަމެއް ބައްލަވާ ޑޮކްޓަރުގެ އިރުޝާދުގެ މަތީން ކަމަށެވެ.
ޓެސްޓްތަކެއް ހެއްދެވުމަށް ދަރުމަވަންތަ ހޮސްޕިޓަލް (ޑީއެޗް) ގައި އެޑްމިޓް ވެވަޑައިގަތުމަށް ފަހު ކުރީގެ ރައީސް މައުމޫން އަބްދުލްގައްޔޫމް ހޮސްޕިޓަލުން ދޫކޮށްލައްވައިފި އެވެ.ޑީއެޗްގައި އެޑްމިޓް ކުރެއްވިކަން އާންމު ކުރެއްވީ 5:15 ގައި މައުމޫން ކުރެއްވި ޓްވީޓެއްގައެވެ. އެ ހަބަރާއެކު އެމަނިކުފާނަށް ހެޔޮއެދުންތައް ފޮނުއްވާ އެތައް ބަޔަކު މެސެޖް ކުރެއްވިއެވެ. ސޯޝަލް މީޑިއާގައި ވަރަށް ގިނަ ބަޔަކު ވަނީ ހެޔޮ އެދުމުގެ ޝުއޫރުތައް ފާޅު ކުރައްވާފައެވެ.ރަައީސް މައުމޫން ދެންމެ ވިދާޅުވީ މިހާރު ގެއަށް ވަޑައިގެންފައިވާ ކަމަށާ ހޮސްޕިޓަލުން ވަޑައިގެންނެވީ ބައްލަވަން ޖެހޭ ހުރިހާ ކަމެއް ބައްލަވާ ޑޮކްޓަރުގެ އިރުޝާދުގެ މަތީން ކަމަށެވެ. އަދި އެމަނިކުފާނަށް ހެޔޮ އެދުމުގެ ޝުއޫރުތައް ފާޅުކޮށް ދެއްވާ ހެޔޮ ދުއާކޮށް ދެއްވި ހުރިހާ ބޭފުޅުންނަށް ޝުކުރު އަދާކުރެއްވިއެވެ. އެމަނިކުފާނަށް ފަރުވާ ދެއްވެވި ޑޮކްޓަރުންނާއި ސިއްހީ އެހީތެރިންގެ މަސައްކަތަށް ތައުރީފު ކުރެއްވެވިއެވެ.މިއީ ކޮވިޑް-19 އަށް ޕޮޒިޓިވްވުމާއި ގުޅިގެން ޑީއެޗްގައި އޮގަސްޓް 26، 2020 ގައި އެޑްމިޓް ކުރެއްވި ފަހުން ރައީސް މައުމޫން އެޑްމިޓް ކުރެއްވި ފުރަތަމަ ފަހަރެވެ. އުމުރުފުޅުން 85 އަހަރުފުޅުވީނަމަވެސް އެމަނިކުފާނަށް ސިއްހީ ބޮޑު އެއްވެސް މައްސަލައެއް ކުރިމަތިވެވަޑައިގެންފައެއް ނުވެއެވެ.ރައީސް މައުމޫނަކީ ކެއިން ބުއިމުގެ ރަނގަޅު އާދަތަކެއް ގެންގުޅުއްވާ އެކަަމަށް ސަމާލުކަަން ދެއްވާ ބޭފުޅެކެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ