މާލޭގެ އިމާރާތެއްގައި ކުލަލާން އުޅުނު އިންޑިއާ ފިރިހެނަކު ވެއްޓި އަނިޔާވެ، އައިޖީއެމްއެޗަށް ގެންގޮސްފިއެވެ.
ފުލުހުން މައުލޫމާތު ދެއްވާފައިވާ ގޮތުގައި، މި ހާދިސާ ހިނގާފައިވަނީ މިއަދު ހަވީރު 5:00 ހާއިރު މާލޭގެ އިމާރާތެއްގެ ފުރަތަމަ ފަންގިފިލާގެ ބޭރުގައި ކުލަލާން އުޅުނިކޮށް ވެއްޓިގެންނެވެ. އަނިޔާވި މީހާއަކީ އިންޑިއާގެ ރައްޔިތެކެވެ.
މި ހާދިސާއާ ގުޅިގެން އަނިޔާވި މީހާއަށް ލިބުނު އަނިޔާގެ ތަފްސީލު މި ވަގުތާ ހަމައަށް ހާމަކޮށްފައި ނުވެއެވެ.
މި ހާދިސާއާ ގުޅޭ ވީޑިއޯއެއް މީސްމީޑިއާގައި ދަނީ ދައުރުވަމުންނެވެ. އެ ވީޑިއޯގައި ފެންނަނީ އަނިޔާވެފައިވާ މީހާ ފިއުލް ސަޕްލައި މޯލްޑިވްސް (އެފްއެސްއެމް)ގެ ގޯތިތެރެއިން ބައެއް މީހުންގެ އަތްދަނޑިމައްޗަށް ލައިގެން އައިޖީއެމްއެޗަށް ގެންދާ މަންޒަރެވެ.