ސަރުކާރު މުއައްސަސާ ތަކުގެ ތެރެއިން މިނިވަންކަމެއް އޮތް ތަނެެއް ކަމަށް ގަބޫލުކުރެވެނީ ހަމައެކަނި ސުޕްރީމް ކޯޓު ކަމަށާއި ގާނުނު އަސާސީ ހިމާޔަތްކުރަން ފަސްނުޖެހުމަށް އެމްޑީޕީގެ ޗެއާޕާސަން ފައްޔާޒް އިސްމާއީލް މިރޭ ގޮވާލައްވައިފިއެވެ. ރައްޔިތުންގެ މަޖިލީހުގެ މެންބަރުން ޕާޓީ ބަދަލު ކުރުމުން ނުވަތަ ޕާޓީން ވަކިކުރުމުން ވެސް މެންބަރުކަން ގެއްލޭ ގޮތަށް ގާނޫނުއަސާސީއަށް ގެނައި އިސްލާހު ބާތިލްކުރަން އެދި ސުޕްރީމް ކޯޓަށް ވަނީ މައްސަލައެއް ހުށަހަޅާފައެވެ. އެ މައްސަލަ ބަލަން އަންނަ މަހުގެ 17 އަށް އެކޯޓުގައި ވަނީ ތަވާލުކޮށްފައެވެ. މިރޭ އެމްޑީޕީން ބޭއްވި އެއްވުމުގައި ފައްޔާޒް ވަނީ ރައްޔިތުންގެ ހައްގުތައް ހިމާޔަތްކޮށް ގާނޫނު އަސާސީ ހިމާޔަތްކުރުމަށް ފަސްޖެހުމެެއް ނެތި މަސައްކަތް ކުރުމަށް ސުޕްރީމް ކޯޓަށް ގޮވާލައްވާފައެވެ. "ދިވެހި ރައްޔިތުން މިތިބީ ބަލަން. ދިވެހި ތާރީޚުގައި ލިޔެވިގެން ދާނެ މި ވޭތުވެދިޔަ 25 ހަކަށް އަހަރު ދިވެހި ރައްޔިތުން ކުރި މަސައްކަތް ހިފަހައްޓައި، ނަގަހައްޓައި، އެ ހައްގުތައް ސަލާމަތްކުރަނީ ކޮން ބައެއްތޯ" ފައްޔާޒް ވިދާޅުވިއެވެ. އިތުރު ތަފްސީލު އަންނަނީ.....