"ވޭން ބަލައި ފާސްކުރިއިރު ބަނގުރާ ކަމަށް ބެލެވޭ އެއްޗެއް ހުރި 500 އެމްއެލްގެ 75 ފުޅި ފެނިފައިވޭ،" ފުލުހުން ބުންޏެވެ.
ގިނަ އަދަދެއްގެ ބަނގުރާ އަރުވައިގެން މާލެއިން ހުޅުމާލެއަށް ދަތުރުކުރަމުން ދިޔަ ވޭނަކާއި ޑްރައިވަރު ފުލުހުންގެ ބެލުމުގެ ދަށަށް ގެންގޮސްފި އެވެ.
ފުލުހުން ބުނީ ބަނގުރާ ކަމަށް ޝައްކު ކުރެވޭ އެއްޗެއް ހުރި ފުޅިތަކެއް އަޅާފައި ހުރި ފޮށިތަކެއް އަރުވައިގެން ވޭނެއް ހުޅުމާލެއަށް ދަތުރުކުރަމުންދާ ކަމުގެ މައުލޫމާތަކާ ގުޅިގެން އެ ވޭން ރޭ 21:46 ހާއިރު ބަލައިފާސްކޮށްފައިވާ ކަމަށެވެ.އެގޮތުން، ހުޅުމާލެ ރީތިގަސް މަހުން އެ ވޭން ހުއްޓުވައި ބަލައިފާސްކުރިއިރު ބަނގުރާ ކަމަށް ޝައްކު ކުރެވޭ ގިނަ އަދަދެއްގެ ފުޅި ފެނިފައިވާ ކަމަށް ފުލުހުން ބުންޏެވެ.ފުލުހުން ބުނީ މި މައްސަލައާ ގުޅިގެން ވޭން ދުއްވި ނޭޕާލަށް ނިސްބަތްވާ، އުމުރުން 37 އަހަރުގެ ތިރްތާ ބަހާދުރް ބީކޭ ނަމަކަށް ކިޔާ މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ. "ވޭން ބަލައި ފާސްކުރިއިރު ބަނގުރާ ކަމަށް ބެލެވޭ އެއްޗެއް ހުރި 500 އެމްއެލްގެ 75 ފުޅި ފެނިފައިވޭ،" ފުލުހުން ބުންޏެވެ.އެ ވޭން ޓޯކޮށް، މައްސަލަ ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.
މި މަސައްކަތުގައި އަހަރެމެން ހަމަ ހަމަ ވާނެ، އިންސާފުވެރި ވާނެ، އިތުބާރު ދަމަހައްޓާނެ