ދުނިޔޭގެ ފުޓުބޯޅަ ތާރީހުގައި މިހާތަނަށް އުފެދުނު އެންމެ މޮޅު ފުޓުބޯޅަ ކުޅުންތެރިއަކީ އާޖެންޓީނާގެ ތަރި ލިއޮނަލް މެސީކަމަށް އެމެރިކާގެ ރައީސް ޑޮނަލްޑް ޓްރަމްޕް ބުނެފިއެވެ. ޓްރަމްޕް ިމހެން ބުނީ މެސީ ކުޅެމުންއަންނަ އިންޓަ މަޔާމީން ހޯދި ކާމިޔާބީ ފަޙަގަކުރުމަށް ވައިޓްހައުސްގައި ބޭއްވި ބައްދަލުވުމުގައި ވާހަކަދައްކަވަމުންނެވެ. ޓްރަމްޕް މިކަމާ ގުޅޭގޮތުން ވާހަކަދެއްކީ ބްރެޒިލްގެ ޕެލޭގެ ނަން ގެނެސްގެންނެވެ. އެގޮތުން ދުނިޔޭގެ އެންމެ މޮޅު ކުޅުންތެރިއަކީ މެސީތޯ ނުވަތަ ބްރެޒިލްގެ ޕެލޭތޯ އިންޓަ މަޔާމީގެ ކުޅުންތެރިންގެ ކިބައިން ޓްރަމްޕް އެދުނެވެ. އޭގެފަހުން ޓްރަމްޕް ވަނީ އެއީ މެސީ ކަމަށްބުނެ ތައުރީފުކޮށްފައެވެ. ވައިޓްހައުސްގައި މި ބައްދަލުވުން ބޭއްވީ އިންޓަ މަޔާމީން އެމްއެލްއެސް ކަޕު ކާމިޔާބުކުރުމުގެ އުފަލުގައެވެ. އެމެރިކާގެ ރައީސް ޓްރަމްޕް އާއެކު މެސީއާއި އިންޓަ މަޔާމީގެ ވެރިޔާ-- މެސީއަށް ތައުރީފުކޮށް މި ބައްދަލުކުރެއްވުމުގައި ވާހަކަދައްކަވަމުން ޓްރަމްޕް ވަނީ އޭނާގެ ދަރިކަލުން ބެރޮން ޓްރަމްޕް އަކީ މެސީގެ ވަރަށް ބޮޑު "ފޭން" އެއް ކަމަށް ބުނެފައެވެ. އަދި މެސީއަކީ ފުޓުބޯޅައިގެ އެންމެ ކާމިޔާބު، އެންމެ ގިނަ ޓްރޮފީ އުފުލާލި އެއް ކުޅުންތެރިޔާކަމަށްވެސް ޓްރަމްޕް ފާހަގަކުރެއްވިއެވެ. ޕެލޭ ކުޅުނު ދުވަސްވަރު ފުޓުބޯޅަ ކުޅުނުތަން ފެނުނުކަން ފާހަގަކޮށ ޓްރަމްޕް ބުނީ މެސީ އެއަށްވުރެ މާ ބޮޑުތަނުންވެސް މޮޅު ކަމަށް ވިދާޅުވެފައެވެ. މި ބައްދަލުކުރުމާ ގުޅިގެން މެސީގެ ގިނަ ސަޕޯޓަރުން ވަނީ ހިތްހަމަނުޖެހުން ފާޅުކޮށްފައެވެ. އެގޮތުން ސަޕޯޓަފުން ބުނީ ހަނގުރާމައިގެ މި ހާލަތުގައި ޓްރަމްޕާއެކު މިފަދަ ބައްދަލުކުރެއްވުމެއް ބޭއްވުމަކީ ރަނގަޅު ގޮތެއް ނޫންކަމަށް ބުނެފައެވެ.