މޫސުން ގޯސްވުމާއި ގުޅިގެން އެމްޓީސީސީން ވިލިމާލެއާއި ހުޅުމާލެއާއި ދެމެދު ކުރަމުންދިޔަ ދަތުރުތައް ވަގުތީ ގޮތުން މެދުކަނޑާލައިފި އެވެ.
އެމްޓީސީސީން ބުނީ މާލެއާއި ހުޅުމާލެއާއި ދެމެދު ކުރަމުންދާ ފެރީ ދަތުރުތައް މެދުކަނޑާލީ މިއަދު ހަވީރު 5:30 އިން ފެށިގެން ކަމަށެވެ. އަދި މާލެއާއި ވިލިމާލެއާއި ދެމެދު ކުރާ ދަތުރުތައް މެދުކަނޑާލީ މިއަދު ހަވިރު 5:45 އިން ފެށިގެން ކަމަށްވެސް ބުނެ އެވެ.
އެމްޓީސީސީން ބުނީ ދަތުރުތައް ވަގުތީ ގޮތުން މެދުކަނޑާލީ މޫސުން ގޯސްވުމާ ގުޅިގެން ދަތުރުކުރުމަށް ރައްކާތެރިކަމަށް ނުފެންނާތީ ކަމަށެވެ. އަދި މޫސުން ރަނގަޅުވީހާ އަވަހަށް ދަތުރުތައް ފަށާނެ ކަމުގައިވެސް އެމްޓީސީސީން ވަނީ ބުނެފަ އެވެ.