ރާއްޖޭގެ މޫސުން ގޯސްވެ މިއަދު ހެނދުނު 8:00 އިން ފެށިގެން މެންދުރު 13:00 އާއި ހަމައަށް ހުދު ސަމާލު ނެރެފައިވަނީ ފުވައްމުލަކުން ފެށިގެން އައްޑު އަތޮޅަށް ކަމަށް މޫސުމާއި ބެހޭ ޤައުމީ އިދާރާ (މެޓް) އިން ބުނެފިއެވެ.
މި ވަގުތުތަކުގައި 19 މޭލާއި 24 މޭލާއިދެމެދު ބާރުމިނުގައި ވައިޖެހި ކަނޑުތައް ގަދަވާނެ ކަމަށް ލަފާކުރެވޭ ކަމަށް މެޓް އޮފީހުން ވަނީ ބުނެފައެވެ. އަދި ވިލާގަނޑުގައި ގަޑިއަކު 45 މޭލަށް ވައިގަދަވާނެ ކަމަށްވެސް މެޓުން މަޢުލޫމާތު ދެއެވެ.
ރާއްޖޭގެ އެކި ހިސާބަށް ވިއްސާރަކޮށް، ވައިގަދަވެ ކަނޑުތައްވެސް ގަދަވާނެކަމަށް ބެލެވޭތީ އާންމުކޮށް ކަނޑުދަތުރުފަތުރުކުރައްވާ ފަރާތްތަކުން މޫސުމަށް ސަމާލުވެލެއްވުމަށް މެޓުން އިލްތިމާސްކުރައްވައެވެ.