ހުޅުމާލޭގައި ކަރަންޓް ފޯރު ކޮށްދިނުމަށް ސްޓެލްކޯއިން އަޅާފައިވާ ކޭބަލަކަށް މައްސަލަ ދިމާވުމާ ގުޅިގެން ގިނަ އިރުތަކަކަށް ކަރަންޓު ކެނޑިއްޖެ އެވެ. ސްޓެލްކޯ ހުޅުމާލޭ ބްރާންޗުން ބުނީ ކަރަންޓު ދިޔައީ ކޭބަލަކަށް ދިމާވި މައްސަލައަކާ ގުޅިގެން ކަމަށެވެ. އަދި ކަރަންޓު ލިބޭވަރުވާނީ މިރޭ 6:15 ހާއިރު ކަމަށް ސްޓެލްކޯއިން ބުންޏެވެ. ހުޅުމާލޭގައި ދިރިއުޅޭ މީހަކު ބުނީ ކަރަންޓު ދިޔަތާ މިހާރު ތިން ގަޑިއިރުވެފައިވާ ކަމަށެވެ.