ރައީސް ޔާމީނަށް އިންތިޚާބަކާ ކުރިމަތިލައްވަން ވެސް އަދި އިންތިޚާބެއް ބާއްވަން ވެސް ކެރިވަޑައިނުގަންނަވާނެ ކަމަށް ރައްޔިތުންގެ މަޖިލީހުގެ ތިނަދޫ ދެކުނު ދާއިރާގެ މެމްބަރު އަބްދުﷲ އަހުމަދު ވިދާޅުވެއްޖެއެވެ.
ރައްޔިތުންގެ މަޖިލީހުގެ މެމްބަރުކަން ގެއްލިފައިވާ ކަމަށް އިލެކްޝަންސް ކޮމިޝަނުން ކަނޑައަޅާފައިވާ އަބްދުﷲ އަހުމަދު ކުރެއްވި ޓުވީޓެއްގައި ވިދާޅުވީ އަޣުލަބިއްޔަތު އޮތީ ކޮން ބަޔަކަށްކަން ވަރަށް ސާފު ކަމަށެވެ. ރައީސް އަބްދުﷲ ޔާމީނަށް އިންތިޚާބަކާ ކުރިމަތިލައްވަން ކެރިވަޑައިނުގަންނަވާނެ ކަމަށާއި އަދި އިންތިޚާބެއް ބާއްވަންވެސް ކެރިވަޑައިނުގަންނަވާނެ ކަމަށް އަބްދުﷲ ވިދާޅުވިއެވެ.