އަދުގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ބޭނުންފުޅުވި ނަމަ، ކުރީގެ ރައީސް އަދި އިދިކޮޅު ލީޑަރު އަބްދުﷲ ޔާމީން އަބްދުލްގައްޔޫމް މިނިވަންކުރަން ސުޕްރީމް ކޯޓުން ނެރުނު އަމުރު ގަބޫލުނުކޮށް އެމަނިކުފާނު ޖަލުގައި ބެހެއްޓުނީސް ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެ އެވެ.
ކްރިމިނަލް ކޯޓުން ކުރީގެ ޔާމީންގެ މައްޗަށް އިއްވި ފަސް އަހަރުގެ ޖަލު ހުކުމާއި ފަސް މިލިއަން ޑޮލަރުގެ ޖޫރިމަނާގެ ހުކުމް ސުޕްރީމް ކޯޓުން ބާތިލުކުރީ ނޮވެމްބަރު 30، 2021ގަ އެވެ. އަދި އެއާއެކު އެމަނިކުފާނު ވަނީ މިނިވަންވެފަ އެވެ.