ހޯމް މިނިސްޓަރު އަލީ އިހުސާންގެ އިތުބާރު ނެތްކަމުގެ މައްސަލައެއް ރައްޔިތުން މަޖިލީހަށް ހުށަހަޅަން އިދިކޮޅު އެމްޑީޕީން މިއަދު ނިންމައިފި އެވެ.
ވީ ކިހިނެއް؟ - ރައްޔިތުން މަޖިލީހުގެ އެމްޑީޕީގެ މެންބަރަކު މިއަދު 'ދައުރު'އަށް ވިދާޅުވީ މިއަދު ބޭއްވީ އެމްޑީޕީގެ ޕާލިމަންޓްރީ ގުރޫޕްގެ ބައްދަލުވުމުން ނިންމާފައި ވަނީ އިހުސާންގެ އިތުބާރު ނެތްކަމުގެ މައްސަލަ މަޖިލީހަށް ހުށަހެޅުމަށް ކަމަށެވެ.ތަފްސީލް - އިހުސާންގެ މައްޗަށް އިތުބާރު ނެތްކަމުގެ މައްސަލައެއް ހުށަހަޅަން ނިންމީ އެ މެންބަރު ވިދާޅުވި ގޮތުގައި ހޯމް ލޭންޑު މިނިސްޓްރީގެ ދަށުގައިވާ ޑިޕާޓްމަންޓް އޮފް ނޭޝަނަލް ރެޖިސްޓްރޭޝަން (ޑީއެންއާރު)ގައި ހުރި މައުލޫމާތު ނަހަލަ ގޮތުގައި ބޭނުންކޮށް، ވެރިކަން ކުރާ ޕީއެންސީއަށް މެންބަރުން ވެއްދުމަށް ސައްހަ ނޫން ފޯމް ފުރައި އިލެކްޝަންސް ކޮމިޝަނަށް ހުށަހެޅުމުގައި އިހުސާން އިސްކޮށް ހުރި ކަމަށް ތުހުމަތު ކުރެވޭތީ އެވެ.