ބޭރުފައިސާއާބެހޭ ގާނޫނުގެ ދަށުން ޓޫރިޒަމް ވިޔަފާރިތައް އެމްއެމްއޭގައި ރެޖިސްޓްރީ ކުރުމުގެ ގަވާއިދު, "ބޭރު ފައިސާއާ ބެހޭ ގާނޫނުގެ ދަށުން ރަޖިސްޓަރީ ކުރުމުގެ ގަވާއިދު" މިއަދު އާންމުކޮށްފި އެވެ.މި ގަވާއިދުގެ ދަށުން ޓޫރިޒަމް ދާއިރާގެ މުދާ ވިއްކާ ފަރާތްތަކާއި ޚިދުމަތް ފޯރުކޮށްދޭ ފަރާތްތަކު ވިއްކާ ނުވަތަ ފޯރުކޮށްދޭ މުދަލާއި ހިދުމަތަށް، އަހަރެއްގެ ތެރޭގައި 15 މިލިއަން އެމެރިކާ ޑޮލަރު ލިބޭ ހުރިހާ ވިޔަފާރިއެއް ރަޖިސްޓްރީ ކުރަން ޖެހޭނެ އެވެ. މިކަން ކުރުމަށް ގަވާއިދުގައި ބަޔާންކުރާ ފަހު ތާރީހަކީ މިމަހުގެ 13 ވަނަ ދުވަހެވެ.މިއަހަރުގެ ޖެނުއަރީން ފެށިގެން މި ދާއިރާގައި ވިޔަފާރި ފަށާ ފަރާތްތަކުން ރަޖިސްޓަރީކުރަންޖެހެނީ އެފަރާތްތަކުން ވިޔަފާރި ފަށާ ތާރީހުން ފެށިގެން 30 ދުވަހުގެ ތެރޭގައެވެ.މި ގަވާއިދުގައި ވާގޮތުން، މި އަހަރު ފެށުނު ފަހުން ޓޫރިޒަމާ ގުޅުން ހުރި ހިދުމަތެއް ދޭން ފަށައިފިނަމަ ވެސް، މަސްދުވަހުގެ ތެރޭގައި ވިޔަފާރި ރެޖިސްޓްރީ ކުރަންޖެހެއެވެ.މި އަހަރުގެ ޖެނުއަރީ 1 ވަނަ ދުވަހުގެ ފަހުން ބޭރު ފައިސާއިން 15 މިލިއަން ޑޮލަރުގެ އަދަދެއް ލިބޭ ނަމަ، އެ ވިޔަފާރިއެއް ރަޖިސްޓާ ކުރަން ޖެހެނީ ޖެހިގެން އަންނަ އަހަރުގެ ޖެނުއަރީ މަސް ނިމުމުގެ ކުރިން ކަމަށް ވެސް އެ ގަވައިދުގައި ބުނެފައިވެ އެވެ.ވިޔަފާރިތައް ރަޖިސްޓަރީކުރަން ޖެހެނީ އެ އޮތޯރިޓީގެ ވެބްސައިޓުގައިވާ އެމްއެމްއޭގެ ފޮރިން އެކްސްޗޭންޖު ރެޖިސްޓްރޭޝަން ޕޯޓަލް މެދުވެރިކޮށެވެ.މި ގަވާއިދުގެ ދަށުން އެމްއެމްއޭގައި ރެޖިސްޓްރީ ކުރަން ޖެހެނީ އެ އިދާރާގެ ފޮރިން އެކްސްޗޭންޖު ޕޯޓަލް މެދުވެރިކޮށެވެ.ބޭރު ފައިސާއާބެހޭ ގާނޫނުގެ ދަށުން ޓޫރިސްޓު ރިޒޯޓުތަކުން ފަތުރުވެރިއެއްގެ ބޮލަކަށް 500 އެމެރިކާ ޑޮލަރު ދިވެހި ބޭންކްތަކުގައި މާރުކުރަންޖެހެއެވެ. ނުވަތަ މަހެއްގެ ތެރޭގައި އެ އެސްޓެބްލިޝްމަންޓަކަށް ލިބޭ ބޭރު ފައިސާގެ އާމްދަނީގެ 20 ޕަސެންޓް މާރުކުރަންޖެހެއެވެ.ގެސްޓްހައުސްތަކުން ޚިދުމަތް ހޯދާ ކޮންމެ ފަތުރުވެރިއެއްގެ ބޮލަކަށް 25 އެމެރިކާ ޑޮލަރު މާރުކުރަންޖެހެއެވެ. ނުވަތަ މަހެއްގެ ތެރޭގައި ލިބޭ ބޭރު ފައިސާގެ އާމްދަނީގެ 20 ޕަސެންޓް މާރުކުރަންޖެހެއެވެ.